Connect with us

Hi, what are you looking for?

LuduNwayOo

News

လူသားချင်းစာနာမှုအကူအညီ ကန်ဒေါ်လာ ၅.၈သန်း ဂျပန်ထပ်မံပေးအပ်

“ဂျပန်အစိုးရဟာ အကူအညီတွေပေးအပ်ရင်း မြန်မာပြည်သူတွေနဲ့အတူ ဆက်လက်ရပ်တည်သွားမှာပါ”လို့ နိုင်ငံခြားရေးဝန်ကြီး မိုတီဂီက သတင်းစာရှင်းလင်းပွဲမှာ ပြောပါတယ်။

ဂျပန်နိုင်ငံဟာ မြန်မာနိုင်ငံကို အရေးပေါ်လူသားချင်းစာနာမှုအကူအညီအဖြစ် အမေရိကန်ဒေါ်လာ ၅.၈ သန်း ထပ်မံပေးအပ်မယ်လို့ နိုင်ငံခြားရေးဝန်ကြီး တိုရှီမစ်ဆုမိုတီဂီက ဇူလိုင် ၁၃ရက်မှာ ပြောပါတယ်။

စစ်တပ်က အာဏာသိမ်းပြီးနောက်ပိုင်း စားနပ်ရိက္ခာနဲ့ နေ့စဥ်လိုအပ်ချက်တွေရှိလာတဲ့ မြန်မာနိုင်ငံကို အခုလို အကူအညီပေးအပ်တာဖြစ်ပြီး အဲဒီအကူအညီတွေကို ကုသလမဂ္ဂအဖွဲ့အစည်းတွေဖြစ်တဲ့ ကမ္ဘာ့စားနပ်ရိက္ခာအစီအစဥ်၊ ကုလသမဂ္ဂကလေးများရန်ပုံငွေအဖွဲ့တွေက တစ်ဆင့် ပေးအပ်မှာ ဖြစ်ပါတယ်။

မြန်မာနိုင်ငံ အရှေ့တောင်ပိုင်း၊ ထိုင်းနယ်စပ်အနီး ဒုက္ခရောက်နေတဲ့ ပြည်သူ ၁၃၆၀၀၀ ခန့်ကို အထောက်အပံ့ပေးနိုင်မယ်လို့ ဂျပန်က မျှော်လင့်ထားပါတယ်။

အာဏာသိမ်းပြီးနောက်ပိုင်း ဂျပန်ဟာ ကနဦးအကူအညီအဖြစ် စားနပ်ရိက္ခာထောက်ပံ့မှုကို ကမ္ဘာ့စားနပ်ရိက္ခာအစီအစဥ်က တစ်ဆင့် ရန်ကုန်မြို့နေ ပြည်သူ ၆၀၀၀၀၀ ခန့်အတွက် အမေရိကန်ဒေါ်လာ ၄ သန်း ပေးအပ်ခဲ့တယ်လို့ ဆိုပါတယ်။

မြန်မာစစ်တပ်က အရပ်သားခေါင်းဆောင် ဒေါ်အောင်ဆန်းစုကြည်နဲ့ ဒီမိုကရေစီနည်းကျရွေးကောက်ခံအစိုးရကို ဖယ်ရှားပြီးနောက် ဂျပန်ဟာ လူသားချင်းစာနာမှုအကူအညီအဖြစ် စုစုပေါင်း အမေရိကန်ဒေါ်လာ သန်း ၂၀ ခန့် ထောက်ပံ့ပြီးဖြစ်တယ်လို့ ဆိုပါတယ်။

“ဂျပန်အစိုးရဟာ အကူအညီတွေပေးအပ်ရင်း မြန်မာပြည်သူတွေနဲ့အတူ ဆက်လက်ရပ်တည်သွားမှာပါ”လို့ နိုင်ငံခြားရေးဝန်ကြီး မိုတီဂီက သတင်းစာရှင်းလင်းပွဲမှာ ပြောပါတယ်။

ဂျပန်ဟာ ငြိမ်းချမ်းစွာဆန္ဒပြသူတွေအပေါ် မြန်မာစစ်တပ်ရဲ့အကြမ်းဖက်ဖြိုခွင်းမှုကို ရှုတ်ချထားပြီး အကြမ်းဖက်မှုရပ်တန့်ရေး၊ ဒေါ်အောင်ဆန်းစုကြည်နဲ့ အခြားဖမ်းဆီးခံထားရသူအားလုံးကို ပြန်လွှတ်ပေးရေး၊ ဒီမိုကရေစီအသွင်ကူးပြောင်းရေးလုပ်ငန်းစဥ်ဆီ ပြန်သွားရေးတို့ကို တောင်းဆိုတိုက်တွန်းထားပါတယ်။

You May Also Like

နိုင်ငံတကာ

မြောက်ကိုရီးယားဟာ အခုနှစ်မကုန်ခင် နိုင်ငံရဲ့ သတ္တမမြောက် နျူကလီးယားလက်နက် စမ်းသပ်ဖောက်ခွဲမှုတစ်ခု ထပ်မံပြုလုပ်ဖို့ ကြံစည်နေကြောင်းလည်း အမေရိကန်နဲ့တောင်ကိုရီးယားတို့က စွပ်စွဲ ပြောဆိုထားပါတယ်။

သတင်း

ထိုင်းဝန်ကြီးချုပ် ပယာရွတ်သ် ချန်အိုချာရဲ့ ပြောရေးဆိုခွင့်ရ အရာရှိဖြစ်သူ အနူချာ ဘူရာပါချိုင်ဆရီက နိုဝင်ဘာ ၁၁ ရက်နေ့က အာဆီယံ ညီလာခံမှာ မြန်မာ့အရေးနဲ့ ပတ်သက်လို့ ထိုင်းဝန်ကြီးချုပ်က ပါဝင်ဆွေးနွေးခဲ့ကြောင်း သတင်းထောက်တွေကို ပြောပါတယ်။

သတင်း

သြစတြေးလျသည် အသက်ရှင်သန်ရေးအတွက် လူသားချင်းစာနာမှုအကူအညီထောက်ပံ့မှုကို မှီခိုနေရသည့် နေရပ်စွန့်ခွာရိုဟင်ဂျာ ၉၁၉,၀၀၀ ကျော်အတွက် ဘင်္ဂလားဒေ့ရှ်ကို ဆက်လက်ကူညီထောက်ပံ့မည်ဟု ကတိပြုသည်။

သတင်း

မန္တလေးမြို့ရှိ မြေကွက်များကို အောက်တိုဘာ ၁ရက်က စတင်ရောင်းချရာ မြေကွက် အားလုံး၏ ၇၁ရာခိုင်နှုန်းကို ရောင်းချခဲ့ပြီးဖြစ်သည်ဟု သိရသည်။