စစ်ကိုင်းတိုင်းဒေသကြီး ရွှေဘိုမြို့နယ် ဆိပ်ခွန်ရွာတွင် ဇူလိုင် ၁၇ရက် ညပိုင်းက စစ်ကောင်စီလက်နက်ကိုင် တပ်ဖွဲ့ဝင်ရောက်ကာ ရွာသားလေးဦးကို ပစ်ခတ်သတ်ဖြတ်လိုက်ကြောင်း ရွာခံတစ်ဦးက ပြောသည်။
“ည ၁၀နာရီလောက်မှာကတည်းက သူတို့(စစ်ကောင်စီတပ်)ရွာကို ဝင်မယ်လို့သတင်းရတယ်။ ည ၁နာရီလောက်မှာဝင်ပြီးတော့ သေနတ် အချက် ၃၀လောက်ပစ်တယ်။ ညက ရွာကာကွယ်ရေး ပတ်ကင်းနဲ့ သူတို့ တိုးပြီးတော့ ပတ်ကင်းကို ပစ်လိုက်တာ။ ပစ်လိုက်တာ ကင်းအဖွဲ့က လေးယောက်သေတယ်” ဟု ၎င်းက ဆိုသည်။
သေဆုံးသူ လေးဦးမှာ ကိုသက်စိုး၊ ကိုဌေးလှိုင်ဝင်း၊ ကိုအောင်ပိုင်ထွေးနှင့်ကိုအောင်ဟိန်းကျော်တို့ ဖြစ်ကြောင်း ရွာခံများက ပြောသည်။ယနေ့တွင်လည်း စစ်ကောင်စီတပ်များရွာထဲ၌ရှိနေကြောင်း ဒေသခံက ပြောသည်။
“ရွာအခြေအနေက ရဲစခန်းမှာ စစ်ကားသုံးစီးလောက်ရှိတယ်။ စစ်ကားတွေက အလဲအလှယ်နဲ့ လာလိုက်ပြန်လိုက်ပဲ။ အလောင်းတွေကတော့ သယ်သွားကြတယ်” ဟု ၎င်းက ဆိုသည်။
Public Service Announcement
ယနေ့တွင် ရွှေဘိုမြို့နယ် တက်တူရွာဘက်သို့ စစ်ကောင်စီတပ်များ သွားရောက်၍ ရွာသူရွာသားများ တိမ်းရှောင်နေကြရကြောင်း ဒေသခံတစ်ဦးကပြောသည်။
