Connect with us

Hi, what are you looking for?

LuduNwayOo

News

ရွှေဘိုမြို့နယ် ပလိုင်းရွာအနီး ဒေသခံများနှင့် စစ်ကောင်စီတပ် တိုက်ပွဲဖြစ်

“အ ခုထိဖြစ်နေတုန်းပဲ။ စစ်သားတွေနဲ့ ရွာခံတွေနဲ့ ။ ကျွန်တော်တို့ရွာနဲ့ပလိုင်းနဲ့က နှစ်မိုင်လောက်ဝေးတယ် အဲဒီကြားထဲမှာဖြစ်နေတာ။ စစ်ကောင်စီဘက်က နောက်တိုးရောဆိုရင် အင်အား ၆၀လောက်ရှိတယ်။ ထိခိုက်ကျဆုံးမှုကိုတော့ မကြားမိသေးဘူး”

ရွှေဘိုမြို့နယ် တက်တူရွာနှင့်ပလိုင်းရွာအကြားတွင် အာဏာသိမ်းစစ်ကောင်စီတပ်ဖွဲ့ဝင်များအား ဒေသခံများက ခုခံတိုက်ခိုက်လျက်ရှိကြောင်း တက်တူရွာဒေသခံတစ်ဦးကပြောသည်။

ယမန်နေ့ ဇူလိုင် ၁၇ရက်ညပိုင်း( ယနေ့နံနက်အစောပိုင်း) က ရွှေဘိုမြို့နယ်ဆိပ်ခွန်ရွာ ကင်းအဖွဲ့အား စစ်ကောင်စီက ပစ်ခတ်၍ ရွာသား ၄ဦးသေဆုံးခဲ့ပြီးနောက် ယနေ့တွင် စစ်ကောင်စီက တက်တူ၊ ပလိုင်း စသည့် အနီးတ၀ိုက်ကျေးရွာများသို့ဝင်ရောက်စီးနင်းခဲ့ရာ ယနေ့မွန်းလွဲပိုင်း ၃နာရီခန့်မှစ၍ ရွာသားများက ခုခံတိုက်ပွဲ ဆင်နွှဲနေခြင်းဖြစ်သည်။

“အ ခုထိဖြစ်နေတုန်းပဲ။ စစ်သားတွေနဲ့ ရွာခံတွေနဲ့ ။ ကျွန်တော်တို့ရွာနဲ့ပလိုင်းနဲ့က နှစ်မိုင်လောက်ဝေးတယ် အဲဒီကြားထဲမှာဖြစ်နေတာ။ စစ်ကောင်စီဘက်က နောက်တိုးရောဆိုရင် အင်အား ၆၀လောက်ရှိတယ်။ ထိခိုက်ကျဆုံးမှုကိုတော့ မကြားမိသေးဘူး” ဟု တက်တူရွာသားတစ်ဦးက ယနေ့ ညနေ ၄နာရီ ၁၅မိနစ်တွင် ပြောသည်။

စစ်ကောင်စီတပ်ဖွဲ့ဝင်များသည် ယနေ့ မနက်ပိုင်းတွင် တက်တူရွာသို့ ဝင်ရောက်စီးနင်းပြီးနောက် နေ့လည်ပိုင်းတွင် တက်တူဘက်သို့ ဆက်လက်ထွက်ခွာသွားခြင်းဖြစ်ကြောင်း ၎င်းက ဆိုသည်။စစ်ကောင်စီများဝင်လာ၍ တက်တူရွာသားများလည်း ဘေးကင်းရာသို့ တိမ်းရှောင်နေရကြောင်းဒေသခံက ပြောသည်။

You May Also Like

သတင်း

မိုင်းဖောက်ခွဲတိုက်ခိုက်မှုအတွင်း စစ်ကောင်စီယာဥ်တန်းနှင့် စစ်ကောင်စီတပ်ဖွဲ့ဝင် အများအပြား ထိခိုက်သေဆုံးမှုရှိနိုင်ပြီး အတည်ပြုနိုင်ခြင်း မရှိသေးဟု PDFက ဆိုသည်။

သတင်း

ရွှေဘိုမြို့အဝင်ရှိ စစ်ကောင်စီ စစ်ဆေးရေးဂိတ် သည် ခရီးသွားပြည်သူများအား စစ်ဆေးခြိမ်းခြောက်ငွေတောင်းခြင်း၊ ဖမ်းဆီး​နှိပ်စက်ခြင်းများ မကြာခဏ ပြုလုပ်နေကြောင်း ဒေသခံများက ပြောသည်။

သတင်း

အကြမ်းဖက်စစ်ကောင်စီက သံမိုးတောင်ရွာအား လေယာဉ်ဖြင့်ဗုံးကြဲတိုက်ခိုက်ခဲ့ခြင်းကြောင့် အရပ်သားပြည်သူများ ထိခိုက်သေဆုံးမှုနှင့် ဒဏ်ရာရရှိမှုများ ရှိသည်ဟု သိရကြောင်း ထုတ်ပြန်သည်။

သတင်း

အိမ်ခြေ ၁၃၀ကျော်ရှိ ခဝါသည်ရွာကို စစ်ကောင်စီတပ် မီးရှို့ခဲ့ရာ နေအိမ် ၉၅ လုံး ပျက်စီးခဲ့ရကြောင်း အသိပေးထားသည်။ မီးလောင်မှုကြောင့် စားနပ်ရိက္ခာများ၊ အဝတ်အထည်နှင့် အိမ်အသုံးအဆောင်များ မီးလောင်ပျက်စီးခဲ့ရသည်ဟု ဆိုသည်။