Connect with us

Hi, what are you looking for?

LuduNwayOo

News

အာဏာသိမ်းမှုကို နိုင်ငံတကာကပိုမိုအားကောင်းစွာတုန့်ပြန်ဖို့ ကုလကျွမ်းကျင်သူတွေတိုက်တွန်း

ယုံကြည်ရတဲ့ သတင်းအချက်အလက်တွေအရ လူ့အခွင့်အရေးကာကွယ်သူတွေဟာ ရာဇသတ်ကြီးပုဒ်မ ၅၀၅(က)တပ်ခံရကာ ဖမ်းဆီးမိန့်ထုတ်ပြန်ခံရပြီး ပုန်းရှောင်ထွက်ပြေးဖို့ဖိအားပေးခံရခြင်း အပေါ် စိုးရိမ်ကြောင်းကျွမ်းကျင်သူများက အလေးပေးပြောကြားပါတယ်။

မြန်မာနိုင်ငံရဲ့ လူ့အခွင့်အရေးအခြေအနေကို အလွန် အမင်းစိုးရိမ်ကြောင်းနဲ့ အာဏာသိမ်းမှုကို နိုင်ငံတကာက ပိုမိုအားကောင်းစွာတုန့်ပြန်ဖို့ ကုလသမဂ္ဂလူ့အခွင့်အရေးကျွမ်းကျင်သူတွေက ဒီနေ့ထုတ်ဖော်ပြောကြားပါတယ်။

ကမ္ဘာ့နိုင်ငံများရဲ့အရေးပေါ်ညီညွတ်ရေးအဖွဲ့က မြန်မာစစ်တပ်အပေါ် ပေါင်းစည်းတဲ့ အရေးယူဒဏ်ခတ်မှုတွေနဲ့ လက်နက်ရောင်းချခြင်းပိတ်ပင်မှုတွေကို လုပ်ဆောင်ကြဖို့ ကုလသမဂ္ဂရဲ့ ကျွမ်းကျင်သူတွေက တိုက်တွန်းပါတယ်။

“လူမဆန်တဲ့အကြမ်းဖက်လုပ်ရပ်တွေဟာ လူ့အခွင့်အရေးကာကွယ်သူတွေကို ဆက်လက်ပစ်မှတ်ထားဆဲဆိုတာ ကျွန်ုပ်တို့ မြင်တွေ့သိရှိနေပါတယ်” လို့ လူ့အခွင့်အရေးကာကွယ်သူများဆိုင်ရာ အထူးအစီရင်ခံစာတင်သွင်းသူ Mary Lawlor နဲ့ မြန်မာနိုင်ငံလူ့အခွင့်အရေးအခြေအနေဆိုင်ရာ အထူးအစီရင်ခံစာတင်သွင်းသူ Tom Andrews တို့က ဆိုပါတယ်။

ယုံကြည်ရတဲ့ သတင်းအချက်အလက်တွေအရ လူ့အခွင့်အရေးကာကွယ်သူတွေဟာ ရာဇသတ်ကြီးပုဒ်မ ၅၀၅(က)တပ်ခံရကာ ဖမ်းဆီးမိန့်ထုတ်ပြန်ခံရပြီး ပုန်းရှောင်ထွက်ပြေးဖို့ဖိအားပေးခံရခြင်း အပေါ် စိုးရိမ်ကြောင်းကျွမ်းကျင်သူများက အလေးပေးပြောကြားပါတယ်။

လူ့အခွင့်အရေးကာကွယ်သူတွေရဲ့ နေအိမ်တွေကို အဓမ္မစီးနင်းခံရတာ၊ ပိုင်ဆိုင်မှုတွေ သိမ်းဆည်းခံရတာ၊ မိသားစုဝင်တွေကို ခြိမ်းခြောက်တာ၊ နှောင့်ယှက်ထိပါးတာ စတဲ့ အခြေအနေတွေကိုလည်း ကုလကျွမ်းကျင်သူတွေက ပြောပါတယ်။

အလုပ်သမားအရေး ကာကွယ်သူတွေနဲ့ ကျောင်းသားအရေးတက်ကြွသူတွေအပါအဝင် မထွက်ပြေးနိုင်သူအများစုဟာ မတရားသဖြင့် ဖမ်းဆီးခံရပြီး သတင်းရယူနေတဲ့ သတင်းသမားတွေ၊ အာဏာသိမ်းပြီးနောက်ပိုင်း ဖမ်းဆီးခံရသူတွေကို ကိုယ်စားပြုတဲ့ ရှေ့နေတွေလည်း အလားတူ ဖမ်းဆီးခံရတယ်လို့ ကျွမ်းကျင်သူတွေက ဆိုပါတယ်။

“မြန်မာပြည်သူတွေဟာ နိုင်ငံတကာအသိုင်းအဝိုင်းရဲ့ စိုးရိမ်ပူပန်တဲ့ထုတ်ဖော်ပြောကြားမှုတွေကို ကျေးဇူးတင်ပါတယ်။ ဒါပေမယ့် သူတို့ အရေးတကြီးလိုအပ်နေတာဟာ အရေးယူဆောင်ရွက်မှုပါ။ တရားမဝင်စစ်တပ်က ဓားစာခံအဖြစ် သဘောထားတဲ့ မြန်မာပြည်သူတွေနဲ့အတူ ကမ္ဘာ့နိုင်ငံတွေက ရပ်တည်ဖို့ အရေးကြီးပါတယ်။ ဒီအချိန်က စီးပွားရေးအရေးယူဒဏ်ခတ်မှုတွေ၊ လက်နက်ရောင်းချမှုပိတ်ပင်တာတွေအပါအဝင် ခိုင်မာတဲ့၊ ပြတ်သားတဲ့၊ ညီညွတ်တဲ့ အရေးယူရမယ့်အချိန်ပါ” လို့ Tom Andrews က ဆိုပါတယ်။

You May Also Like

သတင်း

အဲလို​​တွေ့ဆုံ​ဆွေး​နွေးတဲ့အခါ ​စော​ပေါလ်စိန်ထွားကလူ့အဖွဲ့အစည်းတွေနဲ့ လူမှုရေး အသင်းအဖွဲ့တွေဟာ ၂၀၂၁ ခုနှစ်၊ ဖေဖော်ဝါရီ ၁ ရက်က စစ်တပ် အာဏာသိမ်းမှုနောက်ပိုင်း အခက်အခဲတွေ အများကြီး ကြုံတွေ့နေတာနဲ့ ပတ်သက်လို့ ဒုတိယ သမ္မတ ဟားရစ်ဆီ အသိပေး ပြောပြခဲ့ပါတယ်။

သတင်း

စစ်ကောင်စီ၏ အဓိကဝင်ငွေရလမ်းများအနက်တစ်ခုဖြစ်သော မြန်မာ့ရေနံနှင့်သဘာဝဓာတ်ငွေ့လုပ်ငန်း(MOGE)ထံ တောင်ကိုရီးယား၏ POSCO နိုင်ငံတကာကုမ္ပဏီ ရွှေသဘာဝဓာတ်ငွေ့စီမံကိန်းက ငွေကြေးစီးဝင်နေဆဲဖြစ်ကြောင်း အထူးအစီရင်ခံစာတင်သွင်းသူက ထောက်ပြသည်။

သတင်း

အကြမ်းဖက်စစ်ကောင်စီအား လက်နက်များ ဖြန့်ဖြူးရောင်းချပြုလုပ်လျက်ရှိသည့် ကုမ္ပဏီများကို ပိတ်ဆို့ အရေးယူဆောင်ရွက်ရန် ကုလသမဂ္ဂ၊ အာဆီယံနှင့် နိုင်ငံတကာအဖွဲ့အစည်းများသို့ အမျိုးသားညီညွတ်ရေးအစိုးရ (NUG)က ယနေ့ထုတ်ပြန်တောင်းဆိုသည်။ အကြမ်းဖက်စစ်အုပ်စု၏ ရာဇဝတ်မှုများကို မျက်ကွယ်ပြုခြင်းသည် ရာဇဝတ်မှုများ ဆက်လက်ကျူးလွန်ရန် အားပေးရာရောက်သည်ဖြစ်၍ အားပေးထောက်ခံသည့် အပြုအမူမှန်သမျှကို မပြုလုပ်ကြရန် NUG က နိုင်ငံတကာကို...

သတင်း

စစ်ကောင်စီ၏ ပြစ်ဒဏ်လွတ်ငြိမ်းခွင့်ပေးအပြီးတွင် အာဆီယံအထူးကိုယ်စားလှယ်က ၎င်း၏ တတိယအကြိမ်မြောက် မြန်မာနိုင်ငံခရီးစဥ်ကို စီစဥ်နေကြောင်း ကြေညာလိုက်ပြီး ထင်ရှား သည့်နိုင်ငံရေးအကျဥ်းသားအချို့အပါအဝင် ပြစ်ဒဏ်လွတ်ငြိမ်းပေးခဲ့သည့်အပေါ် ကြိုဆိုကြောင်း ထုတ်ပြန်ခဲ့သည်။