အင်းစိန်အကျဥ်းထောင်၌ ဖမ်းဆီးထိန်းသိမ်းခံထားရသည့် အမျိုးသားဒီမိုကရေစီအဖွဲ့ချုပ် (NLD)ပါတီ၏ ဗဟိုအလုပ်အမှုဆောင်အဖွဲ့ အတွင်းရေးမှူးအဖွဲ့ဝင် ဦးဉာဏ်ဝင်းသည် ကိုဗစ်ရောဂါကြောင့် ကွယ်လွန်မှုနှင့်ပတ် သက်၍ ဝမ်းနည်းကြောင်းသဝဏ်လွှာပေးပို့ခဲ့ပြီး စစ်အာဏာရှင်စနစ်ကျရှုံးရေး ဆက်လက်တိုက်ပွဲဝင်သွားမည်ဟု ဒီချုပ်ပါတီက ထုတ်ပြန်သည်။
အင်းစိန်အကျဥ်းထောင်မှ ရန်ကုန်ပြည်သူ့ဆေးရုံကြီးကိုပို့ဆောင်၍ ဆေးကုမှုခံယူနေစဉ် ယနေ့ (ဇူလိုင် ၂၀ ရက်) နံနက် ၉ နာရီ ၁၀ မိနစ်အချိန်တွင် ကွယ်လွန်သွားခဲ့ခြင်းဖြစ်ကြောင်း ထုတ်ပြန်ချက်တွင် ရေးသားထားသည်။
“မိသားစုနဲ့ထပ်တူ ဝမ်းနည်းကြေကွဲရပါကြောင်းနှင့် မပြီးဆုံးသေးသော စစ်အာဏာရှင်စနစ်ကျရှုံးရေးနှင့် ဖက်ဒရယ်ဒီမိုကရေစီပြည်ထောင်စုတည်ဆောက်ရေးအတွက် ဆက်လက်တိုက်ပွဲဝင်သွားမှာမည်ဟု ကတိပြုပါကြောင်း ” သဝဏ်လွှာတွင် ရေးသားထားသည်။