ဒီမိုကရေစီအကျိုးပြုကရင့်တပ်မတော်(DKBA) စစ်ဦးစီးချုပ် ဗိုလ်ချုပ်စောမိုရှေးသည် COVID-19 ရောဂါဖြင့် အသည်းအသန်ဖြစ်နေ၍ ဆေးကုသမှုခံယူနေရကြောင်း DKBA အရာရှိအချို့က အတည်ပြုသည်။
အာဏာသိမ်းစစ်ကောင်စီ၏ စစ်ဆေးရုံတစ်ခု၌ ကုသမှု ခံယူနေသည့် ဗိုလ်ချုပ်ကြီးစောမိုရှေးသည် ယနေ့ ဇူလိုင် ၂၁ရက်တွင် ကွယ်လွန်သွားကြောင်း သတင်းများထွက်ပေါ်နေသော်လည်း DKBA စစ်ဌာနချုပ်မှ ဗိုလ်မှူးကြီး စောဟိဒိုး ကမူအဆိုပါသတင်းမှာ မှားယွင်းကြောင်း ယနေ့ ညနေပိုင်း၌ ပြောသည်။
“မွန်းလွဲလောက်ကတော့ နည်းနည်း အသဲအသန်ဖြစ်နေလို့ ။အခုပြန်ကောင်းသွားပြီ။မဆုံးပါဘူးခင်ဗျ။ ကောလာဟလသတင်းပါ ဒါတွေက” ဟု ဗိုလ်မှူးကြီးစောဟိဒိုးက ပြောသည်။
DKBA အရာရှိတစ်ဦးကလည်း “အခုပဲ နိုးစက်နဲ့ ပြန်နိုးလို့ရပြီကြားတယ်။ အဲဒါလည်း ဘုရားသခင်ကို ကျေးဇူးတင်ရမှာပေါ့” ဟု ဆိုသည်။
Public Service Announcement
