ဖလန်ထည်များ ရောင်းချနေသော Flannel Box က ယနေ့ကြက်ဥတစ်လုံး၅ ကျပ်ဖြင့် ပြည်သူများသို့ ရောင်းချပေးခဲ့သည်။
ကြက်ဥတစ်လုံးလျှင် ၅ ကျပ်ဖြင့် တစ်ဦးလျှင် အများလုံး ၁၀ လုံးအထိဝယ်ယူနိုင်ပြီး ကြက်ဥအလုံး ၁၅၀၀ ကိုယနေ့ (ဇူလိုင် ၂၂ )ညနေ ၄နာရီမှစတင်ရောင်းချပေးမည်ဟု အဆိုပါ ဆိုင်ဖေစ်ဘွခ်တွင် ယမန်နေ့က ကြေညာခဲ့သည်။
ငါးကျပ်တန်၊၅၀ တန်တို့ဖြင့်ဝယ်ယူနိုင်ပြီး အခြားအဆင်ပြေသောငွေစက္ကူဖြင့်ပေးချေနိုင်ကြောင်းလည်း အသိပေးထားသည်။
ယနေ့ညနေရောင်းချရာတွင် ဝယ်ယူသူများများပြီး စတင်ရောင်းချပြီးမိနစ်ပိုင်းတွင် ရောင်းကုန်သွားသည်ကိုတွေ့ရသည်။
Public Service Announcement
“ခုလို တကူးတက လာပေးတဲ့အတွက် အထူးကျေးဇူး တင်ပါတယ် ခင်ဗျာ ။မရတဲ့ သူတွေ အတွက် အရမ်းအားနာပါတယ် ထပ်လုပ်ဖို့လည်း ကြိုးစားနေပါတယ် ။အားလုံး ကျန်းမာရေး ဂရုစိုက်ကြနော် “ဟု အဆိုပါဆိုင် ဖေစ်ဘွတ်ခ်တွင်ရေးသားထားသည်။
“ဒီထက်မက လှူဒါန်း နိုင်ပါစေ အဝတ်ထည်တေလည် ပိုပြိတော့ရောင်းကောင်ပါစေ၊ နယ်ဝေးလို့မဝယ်နိုင်ပင်မယ် ကြည်တာနဲ့တင်ပိတိဖြစ်တယ်”ဟု ဖေစ်ဘွဘ်သုံးစွဲသူတစ်ဦးကမှတ်ချက်ပြုသည်။
ပြည်သူတစ်ဦးကလည်း “အားနာလို့ မလာတော့ပါဘူးရှင်မလှုတတ်ရင်စျေးရောင်းဆိုတာ ဒါမျိုးကို ခေါ်တာပါ သာဓုခေါ်ပါတယ်”ဟု ရေးသားသည်။
စစ်အာဏာသိမ်းမှုကြောင့် ကျန်းမာရေးစောင့်ရှောက်မှု စနစ် ပျက်ယွင်းသွားသဖြင့် ကိုဗစ်တတိယလှိုင်းကို ပြည်သူများ ဆိုးရွားစွာရင်ဆိုင်နေရပြီး အာဏာသိမ်းစစ်ကောင်စီက ပြည်သူများကိုမကူညီဘဲ အခက်အခဲ အကျပ်အတည်းဖြစ်အောင်သာလုပ်နေချိန်တွင် ပြည်သူအချင်းချင်း ကူညီရိုင်းပင်းနေကြရခြင်းဖြစ်သည်။
