Connect with us

Hi, what are you looking for?

နိုင်ငံတကာ

လွှတ်တော်ထဲမှာ ကြက်ဥနဲ့ အပေါက်ခံခဲ့ရတဲ့ ကိုဆိုဗို ဝန်ကြီးချုပ်

ကိုဆိုဗို လွှတ်တော်ထဲမှာ အမျိုးသမီး အမတ်တစ်ဦးက ဝန်ကြီးချုပ်ကို ကြက်ဥတွေနဲ့ ပစ်ပေါက်နေတဲ့ ဗီဒီယိုဟာ လူမှုကွန်ရက်တွေပေါ်မှာ လူပြောများပြီး ပျံ့နှံ့နေပါတယ်။

ဓာတ်ပုံ - Reuters

ကိုဆိုဗို လွှတ်တော်ထဲမှာ အမျိုးသမီး အမတ်တစ်ဦးက ဝန်ကြီးချုပ်ကို ကြက်ဥတွေနဲ့ ပစ်ပေါက်နေတဲ့ ဗီဒီယိုဟာ လူမှုကွန်ရက်တွေပေါ်မှာ လူပြောများပြီး ပျံ့နှံ့နေပါတယ်။

ပြီးခဲ့တဲ့ သီတင်းပတ်ကုန်က လွှတ်တော် အစည်းအဝေး တစ်ခုမှာ ယာယီဝန်ကြီးချုပ် အယ်လ်ဘင် ကာတီ ထိုင်နေတဲ့ ရှေ့ဆုံးတန်းနားထိ အတိုက်အခံ အမတ် တင်မီ ကက်ဒ်ရာဂျဲလ်က ချဉ်းကပ်သွားပြီး အိတ်ထဲထည့်ယူလာတဲ့ ကြက်ဥတွေနဲ့ တစ်လုံးပြီး တစ်လုံး ပစ်ပေါက်ခဲ့တာ ဖြစ်ပါတယ်။

အဲဒီနောက် သူ့ကို လွှတ်တော် လုံခြုံရေးတွေက တားဆီးပြီး ဝန်ကြီးချုပ်နဲ့ လူချင်းခြားလိုက်တဲ့ အချိန်မှာတောင် ကက်ဒ်ရာဂျဲလ်က အခဲမကျေသေးပုံနဲ့ ကြက်ဥတွေနဲ့ ဆက်ပြီး ပစ်ပေါက်နေခဲ့ပါသေးတယ်။

နောက်တော့ ကိုယ်ရံတော် အဖွဲ့တွေဟာ ဝန်ကြီးချုပ်ကို လွှတ်တော် ခန်းမထဲကနေ အရေးတကြီး ခေါ်ထုတ်သွားခဲ့ရပါတယ်။ ကာတီက သူဟာ လွှတ်တော် ဥက္ကဋ္ဌသစ် နေရာမှာ အဆိုပြု ခန့်အပ်မယ့်သူကို ရွေးချယ်ဖို့ တခြားပါတီတွေနဲ့ ဆွေးနွေးဖို့ အချိန်ထပ်လိုကြောင်း ပြောကြားခဲ့တဲ့နောက် ကက်ဒ်ရာဂျဲလ်က အခုလို ဒေါနဲ့မောနဲ့ တုံ့ပြန်ခဲ့တာ ဖြစ်ပါတယ်။

Public Service Announcement

Public Service Announcement

အဲဒီ အမျိုးသမီးဟာ အတိုက်အခံ ကွန်ဆာဗေးတစ် မဟာမိတ် ပါတီရဲ့ အမတ်တစ်ဦးဖြစ်ပါတယ်။ သူက ကာတီကို ရည်ရွယ်ပြီး ‘ရှက်စရာကြီး၊ ရှက်စရာကြီး’လို့လည်း အော်ဟစ်နေခဲ့ပါတယ်။

နောက်ပိုင်းမှာတော့ ဝန်ကြီးချုပ်က အစုအဖွဲ့ အသီးသီးနဲ့ ဆွေးနွေးဖို့ သူ့ရဲ့ အားထုတ်မှု အဖိုးအခအဖြစ် ကြက်ဥနဲ့ အပေါက်ခံရတာဆိုရင် သူက လိုလိုလားလားကြီး လက်ခံလိုက်မယ်လို့ ပြောကြားသွားပါတယ်။

ကိုဆိုဗိုဟာ နိုင်ငံရေး မတည်ငြိမ်မှုတွေနဲ့ ၂ နှစ်နီးပါးလောက် ရုန်းကန်နေခဲ့ရပါတယ်။ ဇွန်လတုန်းက ကိုဆိုဗိုမှာ ရွေးကောက်ပွဲ ကျင်းပခဲ့ပြီး အဲဒါကလည်း တစ်နှစ်ခွဲလောက် ကာလအတွင်း တတိယအကြိမ်မြောက် ရွေးကောက်ပွဲ အနေနဲ့ မှတ်တမ်းဝင်ခဲ့ပါတယ်။

ဝန်ကြီးချုပ်ကို ကြက်ဥနဲ့ ပေါက်တာကတော့ ကိုဆိုဗို လွှတ်တော်သမိုင်းမှာ ပထမဆုံးအကြိမ် မဟုတ်ပါဘူး။ ၂၀၁၅ တုန်းကလည်း အဲဒီတုန်းက ဝန်ကြီးချုပ် အီဆာ မူစတာဖာဟာ လွှတ်တော်ထဲမှာ ကြက်ဥနဲ့ ပစ်ပေါက်တာ ခံခဲ့ရဖူးပါတယ်။

ကိုးကား: TVP World

ဆက်စပ်သတင်းများ

နိုင်ငံတကာ

အာမေးနီးယား လွှတ်တော်ထဲမှာ အာဏာရနဲ့ အတိုက်အခံ ပါတီ အမတ်တွေကြား အကြီးအကျယ် ရန်ပွဲဖြစ်ပွားပြီး ထိုးကြ၊ ကြိတ်ကြ၊ ကုလားထိုင်တွေနဲ့ ပစ်ပေါက်ကြရင်း ဝရုန်းသုန်းကား အခြေအနေမျိုး ကြုံခဲ့ပါတယ်။

သတင်း

ထိုင်း​ရောက်မြန်မာလုပ်သားတွေအတွက် မည်သူမည်ဝါဖြစ်​ကြောင်းသက်​သေခံလက်မှတ် (CI) ထုတ်ပေးရာ စင်တာမှာအာဏာသိမ်း မြန်မာစစ်တပ်ကခန့်ကိုယ်စားလှယ် ဆိုသူက ခြိမ်းခြောက်တာ ခံခဲ့ရတဲ့အပေါ် ထိုင်းအလွတ်တမ်း သတင်းထောက်က သက်ဆိုင်ရာကို တိုင်ကြားထားလိုက်ပါတယ်။

နိုင်ငံတကာ

ရေကြီးမှုတွေအတွင်း ဖြစ်ပေါ်ခဲ့တဲ့ အဆုံးအရှုံးတွေကြောင့် ပြည်ပကို ကြက်ဥ တင်ပို့မှုတွေ လျှော့ချထားဖို့ ထိုင်းအာဏာပိုင်တွေက ကြက်မွေးမြူရေး ကုမ္ပဏီတွေကို တိုက်တွန်း တောင်းဆိုထားပါတယ်။

သရော်စာ

မြန်မာနိုင်ငံအလယ်ပိုင်း ကြပ်ပြေးဒေသမှာ “ဖွတ်တော်”တစ်ခု မကြာသေးခင်က ပေါ်ထွန်းလာတယ်လို့ ကြားသိရ ပါတယ်။ “မလုပ်ရဲတာ ဘာမှမရှိဘူး”ဆိုတဲ့ လက်ရဲဇက်ရဲလူမိုက်ဂွတိုတစ်ယောက် ရမ်းကားရာကနေ ပေါ်ပေါက် လာတာလို့လည်း သိရပါတယ်။