တာမွေမြို့နယ် မြို့သစ်(၁)လမ်းက တိုက်ခန်းတစ်ခုမှာ လူသူမသိလိုက်ဘဲ အသက် ၇၀ ခန့်အရွယ် အဘိုးအဘွားနှစ်ဦး အခန်းတွင်းသေဆုံးလျက်တွေ့ရတယ်လို့ အရပ်ဘက် လူမှုကူညီရေးအဖွဲ့ တာမွေမြို့နယ် တာဝန်ခံ ကိုဝင်းနိုင်က ပြောပါတယ်။
သေဆုံးဇနီးမောင်နှံရဲ့တိုက်ခန်းအနီးနေထိုင်တဲ့ အမျိုးသမီးတစ်ဦးက အရပ်ဘက်လူမှုကူညီရေးအဖွဲ့ တာမွေမြို့နယ်ထံ အကူအညီလှမ်းတောင်းတာကြောင့် ဒီကနေ့မနက် ၉ နာရီလောက် သွားရောက်ကြည့်ရှူ့ရာမှာ အဘိုးအဘွားနှစ်ဦးစလုံး အခန်းတွင်းသေဆုံးနေတာကို တွေ့ခဲ့ရတယ်လို့ ကိုဝင်းနိုင်က ဆိုပါတယ်။
“အဘိုးက ဒရင်းဘက်လိုမျိုးကုလားထိုင်နောက်မှီမှာ ထိုင်လျက်ဆုံးနေတယ်။ အဘွားကတော့ အခန်းဝနားက ပလပ်စတစ်ထိုင်ခုံမှာ ထိုင်လျက်ဆုံးနေတာဖြစ်ပါတယ်။ ကျွန်တော်တို့ရောက်တဲ့အချိန်မှာ စပ်သပ်ကြည့်တော့ ခန္ဓာကိုယ်တွေက တောင့်တောင်နေပြီ”လို့ ၎င်းက ဆက်ပြောပါတယ်။
အနီးနားပတ်ဝတ်ကျင်မှာ စုံစမ်းသိရသလောက် အဘိုးနဲ့အဘွားဟာ သားသမီးကြောထောက်နောက်ခံရှိပုံမရသလို နေမကောင်းဖြစ်ချိန်မှာ ပြုစုပေးမယ့်သူမရှိခဲ့ဘူးလို့ ယူဆရကြောင်း အရပ်ဘက် လူမှုကူညီရေးအဖွဲ့ တာဝန်မွေမြို့နယ်ရဲ့ တာဝန်ရှိသူတွေက ခန့်မှန်းပြောဆိုပါတယ်။
လက်ရှိအခြေအနေမှာ အရပ်ဘက်လူမှုကူညီရဲ့အသင်းကပဲ သေဆုံးရုပ်အလောင်းတွေကို အရေးပေါ်ယာဉ်နဲ့ သယ်ယူဖို့ရှိနေပြီး သဂြိၤုလ်ခွင့်ရဖို့ သက်ဆိုင်ရာရပ်ကွက်ထောက်ခံစာအပါအဝင် ဆရာဝန်လက်မှရရှိဖို့ ဆောင်ရွက်ထားတယ်လို့ သိရပါတယ်။