မန္တလေးမြို့မှာနေတဲ့ စာရေးဆရာကြီး သိုက်ထွန်းသက် (ဦး) ကိုဗစ်ရောဂါနဲ့ ကွယ်လွန်သွားတယ်လို့ သမီးဖြစ်သူ ဆရာမအေးမြနုက သူ့ရဲ့ဖေ့စ်ဘွတ်ခ်လူမှုကွန်ယက်ကတဆင့် အသိပေးထားပါတယ်။
ကိုဗစ်ရောဂါကူးစက်ခံထားရလို့ ကုသမှုခံယူနေစဉ် ဒီက နေ့နေ့လယ် ၁၁နာရီ ၃၅မိနစ်မှာ ဆုံးပါးသွားတာဖြစ်လို့ သမီးဖြစ်သူက ဆိုပါတယ်။
“စာရေးဆရာကြီး သိုက်ထွန်းသက် ဒီနေ့နေ့လယ် ၁၁ နာရီ ၃၅ မိနစ်မှာပဲ သူချစ်တဲ့ စာပေလောကကို စွန့်ခွာသွားခဲ့ပါပြီ။ ဖေဖေ့ကို ကိုဗစ်လက်ထဲကကယ်ဖို့ မစွမ်းနိုင်ခဲ့တာ အားလုံးခွင့်လွှတ်ပေးကြပါ”လို့ ဆရာမအေးမြနုက ရင်ဖွင့်ထားပါတယ်။
ဆရာကြီးဟာ ကွယ်လွန်ချိန်မှာ အသက် ၆၉ နှစ်ရှိပြီဖြစ်ပြီး ၁၉၉၇ ကစလို့ သတင်းဆရာတစ်ဦးအဖြစ် သက်မွေးဝမ်းကြောင်းပြုခဲ့ကာ နောက်ပိုင်းမှာ မဂ္ဂဇင်းဂျာနယ်နဲ့ နေ့စဉ်ထုတ်သတင်းစာတွေမှာ ဆောင်းပါး ဝတ္ထုတို၊ ဝတ္ထုရှည်စတာတွေရေးသားခဲ့ပါတယ်။
Public Service Announcement
