ရေကြီးမှုဖြစ်ပွားနေသည့် ကရင်ပြည်နယ် လှိုင်းဘွဲ့မြို့ နယ် ကော့မြတ်ကြီးကျေးရွာတွင် ကလေးငယ်နှစ်ဦးနေအိမ်ပေါ်မှ ရေထဲသို့ ပြုတ်ကျသေဆုံးမှုဖြစ်ပွားခဲ့သည်။
အသက် ၄နှစ်အရွယ်နှင့် ၁နှစ်ခွဲအရွယ် ကလေးငယ်နှစ်ဦးသည် နေအိမ်မှလူကြီးများအပြင်သွားစဥ် ယနေ့ မွန်း လွဲပိုင်း၌ ရေထဲပြုတ်ကျသေဆုံးသွားခြင်းဖြစ်ကြောင်း ဒေသခံတစ်ဦးက ပြောသည်။
“အဖွားက ကလေးတွေအတွက် မုန့်သွားဝယ်တာ။ မြေးနှစ်ယောက်ကို ချန်ထားခဲ့တာ။တံခါးသော့မပိတ်ထားတော့ ကလေးကဖွင့်ပြီး ပြုတ်ကျသေဆုံးတာဖြစ်မယ်။ သူတို့အိမ်က အိမ်တံရှည်ပေမယ့် ရေကြီးတာက အခင်းထိ ရေရောက်နေတာ”ဟု ဒေသခံက ပြောသည်။
အဆိုပါရွာသင်္ချိုင်းသည် ရေမြုပ်နေ၍ ကလေးငယ်နှစ်ဦးကို အခြားရွာသို့ လှေဖြင့် ပို့ဆောင်သင်္ဂြိုလ်ခဲ့ရကြောင်း ၎င်းက ဆိုသည်။
Public Service Announcement
အဆိုပါ ကလေးငယ်နှစ်ဦး၏ မိဘများသည် ရပ်ဝေးသို့ အလုပ်သွားလုပ်နေကြ၍ အဖွားဖြစ်သူ၊ ဦးလေးဖြစ်သူတို့နှင့် နေထိုင်ကြခြင်းဖြစ်သည်။
