Connect with us

Hi, what are you looking for?

LuduNwayOo

News

ထိုင်းနိုင်ငံတွင် မြန်မာလုပ်သား ၄၀၀၀ ခန့်အလုပ်မဆင်းဘဲဆန္ဒပြ

ထိုင်းနိုင်ငံ ဘန်ကောက်မြို့ရှိ ပင်လယ်စာထုတ်လုပ်သောစက်ရုံ၌ အလုပ်လုပ်ကိုင်နေသော ရွှေ့ပြောင်း မြန်မာလုပ်သား ၄၀၀၀ခန့်သည် အလုပ်သမားအခွင့်အရေးများဆုံးရှုံးသည်ဟုဆိုကာ ယနေ့(သြဂုတ်၁ရက်)တွင် အလုပ်မဆင်းဘဲ ဆန္ဒပြတောင်းဆိုနေသည်။

ထိုင်းနိုင်ငံ၏ ကိုဗစ်ဒုတိယလှိုင်းအတွင်း လုပ်သားတစ်ဦးလျှင် ဘတ်၂၀၀ပေးမည်ဆိုကာ ကွာရန်တင်း ဝင်ခိုင်းပြီးနောက် တစ်ဦးလျှင် ဘတ်၁၀၀သာပေးခြင်း၊ ယခု ကိုဗစ်တတိယလှိုင်းတွင်လည်း နေအိမ်နှင့်အဆောင်များကို ပြန်နေခွင့်မပေးဘဲ စက်ရုံရှိအဆောင်များအတွင်း စုပုံနေခိုင်းခြင်းနှင့် ထိုင်းနိုင်ငံသားလုပ်သားများနည်းတူ နေ့ချင်းပြန်အလုပ်ဆင်းခွင့်ပေးရေးဟုဆိုကာ မြန်မာလုပ်သား ၄၀၀၀ခန့်က ဆန္ဒပြတောင်းဆိုနေခြင်း ဖြစ်ကြောင်း ထိုင်းရောက်မြန်မာလုပ်သားများအရေးကူညီပေးနေသော ကိုသားကြီးက ပြောသည်။

“အလုပ်ရှင်က စက်ရုံကြီးထဲမှာ အားလုံးအတူတူရောထားတော့ အလုပ်သမားတွေက ရောဂါပိုးကူးမှာလည်း စိုးရိမ်နေကြတာပေါ့။ နောက်ပြီး ထိုင်းနိုင်ငံသားလုပ်သားတွေလို တန်းတူအခွင့်အရေးရဖို့ တောင်းဆိုနေကြတာလို့ ကျွန်တော့်ကို ဖုန်းဆက်အကူအညီလှမ်းတောင်းတယ်”ဟု ကိုသားကြီးက ပြောသည်။

အဆိုပါစက်ရုံတွင် မြန်မာလုပ်သား ၄၀၀၀ခန့် အလုပ်လုပ်ကိုင်နေကြောင်း ၎င်းက ဆက်ပြောသည်။

ထိုင်းနိုင်ငံတွင် ကိုဗစ်ကပ်ရောဂါ ကူးစက်မှုမြင့်တက်နေပြီး ထိုင်းရောက်မြန်မာလုပ်သားများ အလုပ်လုပ် ကိုင်နေသော စက်ရုံများတွင်လည်း ရောဂါကူးစက်ခံရမှုများပြားနေသလို မြန်မာလုပ်သားများ ရောဂါကူးစက်ခံရမှုလည်း များပြားလာနေသည်။

ထိုင်းနိုင်ငံ ဖစ်ချဘွန်းခရိုင်ရှိ SAHA Farms ကြက်သားစက်ရုံတွင် အလုပ်လုပ်ကိုင်နေသော ရွှေ့ပြောင်းမြန်မာလုပ်သား ၃၀၀၀ကျော် ကိုဗစ်ရောဂါကူးစက်ခံရမှုဖြစ်ပွားခဲ့သည်။

အဆိုပါစက်ရုံရှိ လုပ်သား ၃၄၈၁ဦးတွင် ကိုဗစ်ရောဂါကူးစက်ခံရမှုကို ဇူလိုင် ၂၂ရက်က စတင်တွေ့ရှိရာ မြန်မာလုပ်သား ၃၀၉၀ဦး ကူးစက်ခံရခြင်းဖြစ်သည်။ ထို့ကြောင့် အဆိုပါစက်ရုံကို ယာယီပိတ်ထားရန် ထိုင်းအစိုးရက ညွှန်ကြားထားကြောင်း ထိုင်းသတင်းများတွင် ဖော်ပြထားသည်။

ထိုင်းနိုင်ငံ၌ ယနေ့(သြဂုတ်၁ရက်)တွင် ကိုဗစ်ရောဂါကူးစက်ခံရသူ၁၈၀၂၇ ဦးအထိရှိခဲ့ပြီး သေဆုံးသူ ၁၃၃ဦးရှိခဲ့သည်။

You May Also Like

သတင်း

အဆိုပါ အခမ်းအနားသည် စစ်ကောင်စီဝန်ကြီး ဒေါ်သက်သက်ခိုင် တက်ရောက်ပြီး မိန့်ခွန်းပြောသည့် ပွဲဖြစ်ပြီး လူကိုယ်တိုင်နှင့် အွန်လိုင်းက တက်ရောက် ခြင်း ပုံစံနှစ်မျိုးပေါင်းလုပ်သည့် Hybrid ပုံစံအခမ်းအနားဖြစ်သည်။

သတင်း

တရားမဝင် ဝင်ရောက်လာသူများအနေဖြင့်လည်း ထိုင်းအာဏာပိုင်များ၏ ဖမ်းဆီးခြင်း ခံရနိုင်သည့်အပြင် အခြားသော အန္တရာယ်များဖြစ်သည့် လူကုန်ကူးခံရခြင်း၊ ယာဥ်မတော်တဆဖြစ်ခြင်း၊ တိမ်းမှောက်ခြင်း၊ သတ်ဖြတ်ခံရခြင်း စသည်တို့နှင့်လည်း ရင်ဆိုင်ကြုံတွေ့နိုင်ရကြောင်း ထိုင်းနိုင်ငံအခြေစိုက် မြန်မာအလုပ်သမားအရေးကူညီပေးနေသူတစ်ဦးက ပြောသည်။

သတင်း

ထိုင်းတရားရေး ဝန်ကြီး ဆွမ်ဆက်ခ် သပ်ဆူတင်က ထိုင်းရဲတပ်ဖွဲ့ဟာ ဦးထွန်းမင်းလတ်ရဲ့ အမှုနဲ့ နောက်ထပ် အမှုတစ်ခုကို ၂၀၁၉ ခုနှစ်ကတည်းက ခြေရာခံ စုံစမ်းနေခဲ့ကြောင်း ပြောပါတယ်။

သတင်း

လက်ရှိတွင် ပြည်ပရောက်မြန်မာအလုပ်သမားက ဘဏ်စနစ်ကို အသုံးပြုငွေလွဲသည့် အစား ဟွန်ဒီစနစ်ကိုသာအဓိက အသုံးပြုနေသည်ဟု ထိုင်းနိုင်ငံရောက်မြန်မာနိုင်ငံသားတစ်ဦးကပြောသည်။