မြန်မာ့အရေးဖြေရှင်းကူညီဖို့ အထူးကိုယ်စားလှယ်တစ်ဦးကို အာဆီယံထိပ်တန်းသံတမန်တွေက ကနဦးရွေး ချယ်လိုက်ပေမယ့် အမည်စာရင်းမကြေညာခင်မှာ မြန်မာစစ်ခေါင်းဆောင်တွေရဲ့ အတည်ပြုချက်ကို စောင့်ဆိုင်းနေတယ်လို့ AP သတင်းဌာနက ဒီနေ့ဖော်ပြပါတယ်။
အာဆီယံနိုင်ငံခြားရေးဝန်ကြီးတွေက အထူးကိုယ်စား လှယ်အဖြစ် ဘရူနိုင်းနိုင်ငံခြားရေး ဒုတိယဝန်ကြီးဟောင်းကို ခန့်အပ်လိုပြီး ဆုံးဖြတ်ချက်ကို မနေ့ကကျင်းပတဲ့ အာဆီယံနိုင်ငံခြားရေးဝန်ကြီးများအစည်း အဝေးမှာ ချမှတ်ခဲ့တယ်လို့ သံတမန်နှစ်ဦးက AP ကိုပြောပါတယ်။
ဒါပေမယ့် မြန်မာအကြမ်းဖက်စစ်တပ်ခေါင်းဆောင်က အထူးကိုယ်စားလှယ်အဖြစ် ထိုင်းနိုင်ငံခြားရေးဒုတိယဝန်ကြီးဟောင်းကို ခန့်အပ်ဖို့ သဘောတူထားတယ်လို့ သြဂုတ် ၁ ရက်မှာ ပြောထားပါတယ်။
ဒါ့ကြောင့် အာဆီယံရဲ့ မြန်မာဆိုင်ရာအထူးကိုယ်စား လှယ်က ထိုင်းနိုင်ငံသားဖြစ်မလား၊ ဘရူနိုင်းနိုင်ငံသားဖြစ်မလားဆိုတာ စောင့်ကြည့်ရဖို့ ရှိနေပါတယ်။
Public Service Announcement
အထူးကိုယ်စားလှယ်ခန့်အပ်ဖို့ အပါအဝင် သဘောတူဆုံးဖြတ်ချက် ငါးရပ်ကို အာဆီယံခေါင်းဆောင်တွေက ဧပြီနှောင်းပိုင်းကတည်းက ချမှတ်ခဲ့ပေမယ့် သုံး လကျော်လာချိန်အထိ အကောင်အထည်ခြင်း မရှိသေးပါဘူး။
