Connect with us

Hi, what are you looking for?

LuduNwayOo

News

မြန်မာဟာကျရှုံးနိုင်ငံမဟုတ်ဘဲ အာဏာသိမ်းမှုကသာ ကျရှုံးတာလို့ ကုလကျွမ်းကျင်သူတွေသုံးသပ်

“မြန်မာဟာ ကျရှုံးနိုင်ငံမဟုတ်ပါဘူး။ အာဏာသိမ်းမှုကသာ ကျရှုံးတာပါ။ ဒီအတွက် မြန်မာပြည်သူတွေရဲ့ စွမ်းဆောင်ရည်နဲ့ ဇွဲနပဲရှိမှုတို့ကို ကျေးဇူးတင်ရပါမယ်”လို့ ကုလကျွမ်းကျင်သူတွေက ရေးသားပါတယ်။

(ဓါတ်ပုံ - စစ်တပ်က အာဏာသိမ်းမှု​ကို ရန်ကုန်မြို့၌ ကန့်ကွက်ဆန္ဒပြ​နေ​သော ပြည်သူလူထုကို ​ဖေ​ဖော်ဝါရီ၂၂ရက်က ​တွေ့ရစဥ်)

မြန်မာနိုင်ငံဟာကျရှုံးနိုင်ငံမဟုတ်ဘဲ အကြမ်းဖက်စစ်တပ်အာဏာသိမ်းမှုကသာ ကျရှုံးတယ်လို့ ကုလ သမဂ္ဂကျွမ်းကျင်သူတွေက သုံးသပ်ပါတယ်။

ဝါရှင်တန်အခြေစိုက် သြဇာကြီး The Diplomat မဂ္ဂဇင်းမှာ ကုလသမဂ္ဂလူ့အခွင့်အရေးကျွမ်းကျင်သူတွေဖြစ်တဲ့ ရန်ဟီးလီ၊ ခရစ်ဆီဒိုတီနဲ့ မာဇူကီဒါရူစမန်တို့က ‘မြန်မာက ကျရှုံးနိုင်ငံမဟုတ်၊ စစ်အာဏာသိမ်းမှုက ကျရှုံးတာပါ’ ခေါင်းစဥ်နဲ့ မနေ့က ရေးသားသုံးသပ်ထားတာပါ။
အကြမ်းဖက်စစ်တပ်ဟာ အာဏာသိမ်းယူအပြီး ၆ လအတွင်း တိုင်းပြည်ကို စီမံအုပ်ချုပ်နိုင်ဖို့လုပ်ဆောင်ခဲ့ပေမယ့် သူတို့ကြိုးစားသလို ဖြစ်မလာခဲ့ဘူးလို့ သုံးသပ်ပါတယ်။

“မြန်မာဟာ ကျရှုံးနိုင်ငံမဟုတ်ပါဘူး။ အာဏာသိမ်းမှုကသာ ကျရှုံးတာပါ။ ဒီအတွက် မြန်မာပြည်သူတွေရဲ့ စွမ်းဆောင်ရည်နဲ့ ဇွဲနပဲရှိမှုတို့ကို ကျေးဇူးတင်ရပါမယ်”လို့ ကုလကျွမ်းကျင်သူတွေက ရေးသားပါတယ်။

အာဏာသိမ်းမှု ကျရှုံးဖို့အတွက် ကမ္ဘာကြီးက လုပ်နိုင်သမျှ လုပ်ဆောင်ဖို့လည်း ကုလကျွမ်းကျင်သူတွေက တိုက်တွန်းထားပါတယ်။

တကယ်လို့ မြန်မာဟာ ကျရှုံးနိုင်ငံဖြစ်ခဲ့မယ်ဆိုရင် ကမ္ဘာကြီးရဲ့ ပျက်ကွက်မှုတွေကြောင့်သာ ဖြစ်လိမ့်မယ်လို့ သူတို့က သတိပေးပါတယ်။

စက်တင်ဘာမတိုင်မီမှာ ကုလသမဂ္ဂဟာ မြန်မာပြည်သူတွေကို အစစ်အမှန်ကိုယ်စားပြုနေတဲ့ လက်ရှိ သံအမတ်ကြီးဦးကျော်မိုးထွန်းကို ဆက်လက်အသိအမှတ်ပြုပြီး အမျိုးသားညီညွတ်ရေးအစိုးရ(NUG)ကို တရားဝင်မှုပေးဖို့ ကုလကျွမ်းကျင်သူတွေက တောင်းဆိုပါတယ်။

ကုလသမဂ္ဂက စစ်တပ်ရဲ့ကိုယ်စားလှယ်ကို လက်ခံမယ်ဆိုရင် မြန်မာပြည်သူတွေအပေါ် သစ္စာဖောက်တာဖြစ်ပြီး စက်ဆုပ်ရွံရှာဖွယ်စစ်တပ်ကို အသိအမှတ်ပြုရာ ရောက်မယ်လို့ သူတို့က သတိပေးပါတယ်။

နိုင်ငံတကာအသိုင်းအဝိုင်းအနေနဲ့လည်း NUG နဲ့ ဒီမိုကရေစီအရေး လှုပ်ရှားမှုတွေကို အားပေးထောက်ခံသင့်ပြီး လတ်တလောရင်ဆိုင်နေရတဲ့ ကိုဗစ်-၁၉ တိုက်ဖျက်ရေးနဲ့ တုန့်ပြန်မှုတွေလုပ်ဆောင်ဖို့ ကျန်းမာရေးဆိုင်ရာ ကူညီထောက်ပံ့မှုတွေပေးရမယ်လို့ သူတို့က တိုက်တွန်းပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

မြန်မာနိုင်ငံရှိ ကုလသမဂ္ဂအဖွဲ့အစည်းများ၊ နိုင်ငံတကာအဖွဲ့အစည်းများနှင့် အစိုးရမဟုတ်သော နိုင်ငံတကာ အဖွဲ့အစည်းများသို့ ပန်ကြားချက်တွင် အထက်ပါအတိုင်း ဖော်ပြသည်။

သတင်း

နိုင်ငံရေးပါတီများအနေဖြင့် စစ်ကောင်စီပြုလုပ်မည့်ရွေးကောက်ပွဲကို ပါဝင်ခြင်းမပြုရန် STA ၏ တောင်းဆိုချက်မှာ လူထုအမြင် သဘောထားနှင့် ကိုက်ညီမှုရှိကြောင်း ပြည်တွင်းရှိ နိုင်ငံ ရေးလေ့လာစောင့်ကြည့်သူတစ်ဦးက သုံးသပ်သည်။

သတင်း

ကုလသမဂ္ဂစီးပွားရေးနှင့် လူမှုရေးကောင်စီ၊ ဖွံ့ဖြိုးတိုးတက်ရေးမူဝါဒကော်မတီ၏ ၂၀၁၈ မတ်လအစီရင်ခံစာအရ ၁၉၈၇ ခုနှစ်မှစ၍ ဖွံ့ဖြိုးမှုအနည်းဆုံးနိုင်ငံစာရင်းတွင် ပါဝင်ခဲ့သော မြန်မာနိုင်ငံသည် ယင်းအဆင့်မှ လွတ်မြောက်ရန် စံသတ်မှတ်ချက်သုံးခုစလုံးနှင့် ပထမဆုံးအကြိမ် ပြည့်မီခဲ့သည်။

နိုင်ငံတကာ

ဒုတိယ ဗိုလ်မှူးကြီး ပေါလ်ဟင်နရီ ဒါမီဘာဟာ ပြီးခဲ့တဲ့ သီတင်းပတ်ကုန်မှာ လက်အောက်ငယ်သား စစ်မှုထမ်းတွေရဲ့ ပုန်ကန်မှုကို ကြုံတွေ့ခဲ့ရတာပါ။ ဘာကီနာဖာဆို စစ်တပ်ရဲ့ အရာရှိ တချို့က ဒါမီဘာကို ဖယ်ရှားပြီး ဗိုလ်ကြီး အီဘရာဟင်မ် ထယာအိုရေးကို စစ်အစိုးရရဲ့ ယာယီ ခေါင်းဆောင်သစ်အဖြစ် တင်မြှောက်ကြောင်း ကြေညာခဲ့ပါတယ်။