ဒလန်နှင့်ရပ်ကွက်အုပ်ချုပ်ရေးမှူးများဆက်တိုက်အသတ်ခံရပြီးနောက် စစ်ကိုင်းတိုင်းဒေသကြီးအတွင်းမှာရှိတဲ့ ရပ်ကျေးအုပ်ချူပ်ရေးမှူး ခြောက်ဦးထက်မနည်း ဒီရက်ပိုင်းထဲ တာဝန်ကရပ်နားကြောင်း နှုတ်ထွက်စာတင်ကြတယ်လို့ စုံစမ်းသိရပါတယ်။
နှုတ်ထွက်စာတင်ကြသူတွေထဲမှာ မုံရွာမြို့ နန္ဒဝင်ရပ်ကွက် အုပ်ချုပ်ရေးမှူး ပုလဲမြို့နယ်ထဲက ချင်းဝအုပ်စုက အုပ်ချုပ်ရေးမှူးတစ်ဦး မရိုးကုန်းကျေးရွာအုပ်ချုပ်ရေးမှူးနဲ့ အခြားအုပ်ချုပ်ရေးမှူးတစ်ဦး ခန္တီးမြို့နယ်ထဲက အုပ်ချုပ်ရေးမှူးတစ်ဦး ရေဖြူမြို့နယ်ထဲက အုပ်ချုပ်ရေးမှူးတစ်ဦးတို့ဖြစ်တို့ ဖြစ်ကြပါတယ်။
People’s Spring ကရရှိထားတဲ့ အထောက်အထားတွေအရ အုပ်ချုပ်ရေးမှူးအများစုရဲ့ နှုတ်ထွက်စာတွေထဲမှာ ကျန်းမာရေးမကောင်းတာ တာဝန်တွေကို ဆက်လက်ထမ်းဆောင်လိုခြင်းမရှိတာ စတဲ့အကြောင်းပြချက်တွေနဲ့ နှုတ်ထွက်စာတင်ကြတာ တွေ့ရပါတယ်။
စစ်ကိုင်းတိုင်းဒေသကြီးထဲမှာရှိတဲ့ စစ်ကောင်စီလက်ကိုင် တုတ် သတင်းပေးဒလန်တွေ ရပ်ကျေးအုပ်ချုပ်ရေးမှူးတွေနဲ့ ပျူစောထီးအဖွဲ့ဝင်အများအပြား အသတ်ခံနေရတာကြောင့် အုပ်ချုပ်ရေးမှူးတွေ အလျှိုလျှိုနှုတ်ထွက်နေကြတာလို့လည်း ဒေသခံတွေက သုံးသပ်ကြပါတယ်။
Public Service Announcement
သြဂုတ် ၂ ရက်ကထုတ်ပြန်တဲ့ နယ်စည်းမခြားမိုးကြိုးမုန်တိုင်းအဖွဲ့ရဲ့ ထုတ်ပြန်ချက်ထဲမှာလည်း အုပ်ချုပ်ရေးမှူး သတင်းပေးဒလန်နဲ့ ပျူစောထီအဖွဲ့ဝင် ၄၈ ဦးကို သုတ်သင်ခဲ့ရာမှာ စစ်ကိုင်းတိုင်းထဲက အများအပြားပါ ဝင်ပါတယ်။
ဖေဖော်ဝါရီ၂ရက်ကလည်း မုံရွာမြို့ရှိ စစ်ကောင်စီသတင်းပေးဒလန်တစ်ဦး အသတ်ခံရသည်။
