အရှေ့အာရှ နိုင်ငံခြားရေးဝန်ကြီးတွေရဲ့ ထိပ်သီးဆွေး နွေးပွဲမှာ ဂျပန်နိုင်ငံခြားရေးဝန်ကြီး မိုတီဂီက မြန်မာ့အရေးဖြေရှင်းဖို့ အာဆီယံက ဘရူနိုင်း နိုင်ငံခြားရေး ဒုတိယဝန်ကြီးကို အထူးကိုယ်စားလှယ်ခန့်အပ်ခဲ့မှု အပေါ် ကြိုဆိုထောက်ခံတယ်လို့ ထည့်သွင်းပြောကြားခဲ့ပါတယ်။
အဲဒီထိပ်သီးဆွေးနွေးပွဲကို အမေရိကန်နိုင်ငံခြား ရေးဝန်ကြီး ဘလင်ကင်၊ တရုတ်နိုင်ငံခြားရေးဝန်ကြီး ဝမ်ယိနဲ့အတူ အခြားဆွေးနွေးဘက်နိုင်ငံတွေလည်းတက် ရောက်ခဲ့ပါတယ်။
“သက်ဆိုင်တဲ့နိုင်ငံရေးပါတီအားလုံးအကြားတွေ့ဆုံဆွေးနွေးရေးကဲ့သို့ လက်တွေ့ပြနိုင်တဲ့ရလဒ်တွေ ရရှိဖို့နဲ့ လုပ်ဆောင်မှုတွေ အစောဆုံးစတင်ဖို့ အထူးကိုယ်စား လှယ်အတွက် အရေးကြီးပါတယ်” လို့ ဂျပန်နိုင်ငံခြား ရေးဝန်ကြီး မိုတီဂီက ဆိုပါတယ်။
တစ်ချိန်တည်းမှာ မိုတီဂီက မြန်မာနိုင်ငံရဲ့ လက်ရှိအကျပ် အတည်းအပေါ် စိုးရိမ်မှုကြီးမားစွာရှိတဲ့အကြောင်း အ ရှေ့အာရှ ထိပ်သီးဆွေးနွေးပွဲတက်ရောက်တဲ့ ဩစတြေးလျ၊ တရုတ်၊ အိန္ဒိယ၊ နယူးဇီလန်၊ ရုရှား၊ တောင်ကိုရီးယားနဲ့ အမေရိကန် နိုင်ငံခြားရေးဝန်ကြီးတွေကို အသိပေးပြောကြားပါတယ်။
Public Service Announcement
