ခရမ်းမြို့နယ် ပြည်ခိုင်ဖြိုးကိုယ်စားလှယ်ဦးဝင်းခိုင် သေနတ်နဲ့ပစ်သတ်ခံရ

ရန်ကုန်တိုင်း ခရမ်းမြို့နယ်မှ ပြည်ခိုင်ဖြိုးကိုယ်စားလှယ်​လောင်းတစ်ဦးဖြစ်တဲ့ ဦးဝင်းခိုင်ဟာ ဒီနေ့ နေ့လယ်ပိုင်းမှာ သေနတ်နဲ့ ပစ်သတ်ခံရလို့ သေဆုံးသွားခဲ့ပါတယ်။

ကမာကလူကျေးရွာကိုအသွား ရဲမွန်-ကမာကလူလမ်းပိုင်းမှာ ဆိုင်ကယ်နဲ့အသွား သေနတ်နဲ့ နှစ်ချက်ပစ်ခံရတာဖြစ်ပြီး အဲဒီသေနတ်ဒဏ်ရာနဲ့ပဲ သေဆုံးသွားတယ်လို့ ခရမ်းမြို့ခံအချို့က ပြောပါတယ်။

ဦးဝင်းခိုင်ဟာ ပြီးခဲ့တဲ့၂၀၂၀ ရွေးကောက်ပွဲတုန်းက ခရမ်းမြို့နယ် တိုင်းဒေသကြီး မဲဆန္ဒနယ်အမှတ်(၁) ကနေ ဝင်ရောက်ယှဉ်ပြိုင်ခဲ့သူဖြစ်ပါတယ်။