အကြမ်းဖက်စစ်ကောင်စီခေါင်းဆောင်မင်းအောင်လှိုင်ကို ထောက်ခံတဲ့ ပြည်ခိုင်ဖြိုးနဲ့မိတ်ဖက်ပါတီ ၂၈ ပါတီထဲမှာ ‘၀’ အမျိုးသားပါတီ ပါဝင်မှုနဲ့ပတ်သက်ပြီး ပါတီရဲ့ဗဟို ကော်မတီဝင်တွေက ပြင်းထန်စွာကန့်ကွက်ရှုတ်ချတယ်လို့ ဒီနေ့ထုတ်ပြန်ပါတယ်။
ပြည်ခိုင်ဖြိုးနဲ့ မိတ်ဖက် ၂၈ ပါတီရဲ့ ထုတ်ပြန်ချက်မှာ ‘၀’ အမျိုးသားပါတီဥက္ကဌ ဦးဆိုင်ပေါင်းနပ်ပါဝင်လက်မှတ်ရေးထိုးထားပြီး အဲဒီလိုပါဝင်လက်မှတ်ရေးထိုးတာနဲ့ပတ်သက် ပြီး ပါတီဗဟိုကော်မတီဝင်တွေကို ကြိုတင်အသိပေးခြင်း၊ အများရဲ့ သဘောထားရယူခြင်း၊ ဆွေး နွေးညှိနှိုင်းတိုင်ပင်ခြင်း လုံး၀မရှိခဲ့ဘူးလို့ ထုတ်ပြန်ချက်မှာ ဖော်ပြပါတယ်။
အဆိုပါလုပ်ရပ်ဟာ ပါတီတွင်းလေးစားလိုက်နာရမယ့်စည်းမျဉ်းစည်းကမ်းတွေ၊ ဒီမိုက ရေစီစံနှုန်းတွေ၊ စည်းလုံးညီညွတ်ရေးဦးတည်ချက်တွေနဲ့ ကိုက်ညီခြင်း မရှိတဲ့အပြင် ‘၀’ အမျိုးသားပါတီအပေါ် ပြည်သူလူထုရဲ့ ယုံကြည်မှုထိခိုက်စေတယ်လို့လည်း ဗဟိုကော် မတီဝင်တွေက ဆိုပါတယ်။
ဒါကြောင့် ‘၀’ အမျိုးသားပါတီဗဟိုကော်မတီဝင်တွေ၊ ပါတီဝင်တွေရဲ့ ရပ်တည်ချက်နဲ့ သွေဖည်တဲ့ အဲဒီလုပ်ရပ်ဟာ ပါတီနဲ့ သက်ဆိုင်ခြင်းမရှိဘဲ ပြင်းထန်စွာရှုတ်ချတယ်လို့ ထုတ်ပြန်ပါတယ်။
Public Service Announcement
