Connect with us

Hi, what are you looking for?

LuduNwayOo

News

တောင်ဒဂုံတွင် ဆိုင်ကယ်ဖြင့် ဖောက်ခွဲတိုက်ခိုက်ရာ စစ်ကောင်စီတပ်ဖွဲ့ဝင်တစ်ဦးသေဆုံးပြီး တစ်ဦးဒဏ်ရာရ

တောင်ဒဂုံ ဘုန်းကြီးကျောင်းကွေ့နဲ့ ၅၄ မှတ်တိုင်ကြားတိုက်ခိုက်မှုဖြစ်စဉ်ပါ တစ်ဦးသေ တစ်ဦးဒဏ်ရာရစာရင်းဟာ အတည်ပြုနိုင်တဲ့စာရင်းသာဖြစ်ပြီး မြေပြင်အနေအထားအထားမှာ အဲဒီထက်ပိုနိုင်လို့ ဖဆလတ ကဆိုပါတယ်။

ဒဂုံမြို့သစ်တောင်ပိုင်း ၅၄ မှတ်တိုင်အနီး ဆိုင်ကယ်နဲ့ ဖောက်ခွဲတိုက်ရာမှာ စစ်ကောင်စီလက်အောက်ခံ လက်နက်ကိုင်တစ်ဦး သေဆုံးပြီး တစ်ဦးထိခိုက်ဒဏ်ရာရရှိခဲ့ကြောင်း ဖက်ဆစ်ဆန့်ကျင်ရေးလက်ရုံးတပ်ဖွဲ့(ဖဆလတ)က ဒီကနေ့ ထုတ်ပြန်ပါတယ်။

လတ်တလော ကပ်ရောဂါဘေးနဲ့ရင်ဆိုင်နေရချိန် စစ်ကောင်စီဟာ လူ့အသက်တွေကိုရင်းပြီး ၎င်းတို့ ရဲ့အာဏာတည်မြဲရေး လုပ်ဆောင်နေတဲ့အပြင် ပြည်သူ လူထုရဲ့ အသက်အိုးအိမ်စီးစိမ်များကိုပါ လုယက်ဖျက်ဆီးတာတွေ ကျူးလွန်နေတာကြောင့် စစ်ကောင်စီလက်အောက်ခံတပ်ဖွဲ့တွေကို ဒီကနေ့(သြဂုတ် ၈)မှာ ဦးတည်တိုက်ခိုက်မှုပြုလုပ်ခဲ့တာလို့ ဖဆလတရဲ့ ထုတ်ပြန်ချက်က ဆိုပါတယ်။

တောင်ဒဂုံ ဘုန်းကြီးကျောင်းကွေ့နဲ့ ၅၄ မှတ်တိုင်ကြားတိုက်ခိုက်မှုဖြစ်စဉ်ပါ တစ်ဦးသေ တစ်ဦးဒဏ်ရာရစာရင်းဟာ အတည်ပြုနိုင်တဲ့စာရင်းသာဖြစ်ပြီး မြေပြင်အနေအထားအထားမှာ အဲဒီထက်ပိုနိုင်လို့ ဖဆလတ ကဆိုပါတယ်။

အခင်းဖြစ်ရပ်အနီးနေထိုင်သူတချို့ရဲ့အဆိုအရ ဖက်ဆက်စစ်တပ် အမြစ်ဖြတ် စာသာကပ်ထားတဲ့ဆိုင်ကယ်တစ်စီးနားကိုသွားရောက်ချိန် ပေါက်ကွဲမှုဖြစ်တာကြောင့် စစ်ကောင်စီရဲ့လက်နက်ကိုင်တွေ သေဆုံးထိခိုက်ဒဏ်ရာရတာတွေ ဖြစ်ခဲ့တာလို့ သိရပါတယ်။

လက်ရှိအခြေအနေမှာ အာဏာရှင်ဆန့်ကျင်ရေး တော်လှန် ရေးအင်အားစုတွေက စစ်ကောင်စီရဲ့လက်အောက်ခံတပ်တွေကို ဦးတည်တိုက်ခိုက်တာတွေရှိသလို တစ်ဖက်မှာလည်း ဒလန်တွေနဲ့ ပျူစောထီးအဖွဲ့ဝင်တွေက အများပြည်သူအထိတ်တလန့်ဖြစ်အောင် တန်ပြန်တိုက်ခိုက်တာတွေရှိလို့ ပြည်သူတွေအနေနဲ့ သတိပြုသွားလာနေထိုင်ကြဖို့ ဖဆလတက အသိပေးထားပါတယ်။

You May Also Like

သတင်း

မြန်မာနိုင်ငံတွင် စစ်အာဏာသိမ်းမှု ၂ နှစ်ပြည့်သည့် ယမန်နေ့(ဖေဖော်ဝါရီ ၁ ရက်)တွင်ပြုလုပ်သော သတင်းစာရှင်းလင်းပွဲ၌ ထည့်သွင်းပြောကြားခဲ့ခြင်းဖြစ်သည်။

သတင်း

အထက်ပါ တိုက်ခိုက်မှုတွင် သာယာဝတီခရိုင် PDF တပ်ရင်း (၃၈၀၂)၊ တပ်ခွဲ ၄ (မိုးညိုမြို့နယ် ပြည်သူ့ကာကွယ်ရေးတပ်ဖွဲ့)ဝင်များ အထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း အသိပေးထားသည်။

သတင်း

မိုင်း​ဖြင့် နှစ်ကြိမ်ခိုက်သော်လည်း စစ်ကောင်စီတပ်ဘက်မှ ပြန်လည်ပစ်ခက်ဖြစ်မရှိဘဲ ဒုတိယအကြိမ်တွင် ပျက်ဆီးသွားသော ကားပေါ်မှ အချိန်အတော်အတန်ကြာမှသာ ဆင်းလာခဲ့ပြီး တကောင်း(ပ.က.ဖ)မှ မိုင်းသမားများအား လိုက်လံရှာဖွေနေခဲ့ကြောင်း ယင်းတပ်ဖွဲ့က ပြောသည်။

သတင်း

ဒီဖြစ်စဉ်ကို နေပြည်တော်၊ပုဗ္ဗသီရိမြို့နယ်၊ စစ်ကောင်စီလက်အောက်ခံ ထုံးဖိုမြို့နယ်ရဲစခန်းက သေမှုသေခင်းဖွင့်ပြီး စစ်ဆေးနေတယ်လို့သိရပါတယ်။