Connect with us

Hi, what are you looking for?

LuduNwayOo

News

လက်ဝေခံအဖြစ်မှနှုတ်ထွက်ရန် စစ်ကောင်စီခန့် ပြည်နယ်ဝန်ကြီးအား ရခိုင်ရှိချင်းအရပ်ဘက်အဖွဲ့များ တိုက်တွန်း

ဦးတင်လှသည် ရခိုင်ပြည်နယ် ချင်းလူမျိုးများမှ ရွေးချယ်တင်မြှောက်သည့် တရားဝင်မှုရှိသော ကိုယ်စား လှယ်မဟုတ်သည့်အပြင် ရခိုင်ပြည်နယ်မှ ချင်းလူထုကိုလည်း ကိုယ်စားမပြုကြောင်း၊ အကယ်၍ ဦးတင်လှအနေဖြင့် ၎င်းရာထူးမှ မနှုတ်ထွက်ပါက စစ်ကောင်စီ၏ တရားမဲ့ ပြုကျင့်မှုများအတွက် တာဝန်ခံရမည်ဖြစ်ကြောင်း ဖော်ပြထားသည်။

အာဏာသိမ်းစစ်ကောင်စီ၏ လုပ်ဆောင်ချက်များသည် လူမျိုးစုများ လိုလားသော ဖက်ဒရယ်ဒီမိုကရေစီလမ်း စဉ်နှင့် သွေဖီနေသောကြောင့် ၎င်း၏ အုပ်ချုပ်မှု ယန္တရားအောက်တွင် လက်ဝေခံအဖြစ် တာဝန်ထမ်းဆောင်ခြင်းမှ နှုတ်ထွက်ရန် စစ်ကောင်စီခန့် ရခိုင်ပြည်နယ် တိုင်းရင်းသား လူမျိုးရေးရာဝန်ကြီး ဦးတင်လှကို ချင်းအရပ်ဘက်အဖွဲ့အစည်းများမှ တိုက်တွန်းခဲ့သည်။

စစ်ကောင်စီသည် ဩဂုတ် ၁ရက်တွင် တရားဝင်မှု မရှိဘဲ အိမ်စောင့်အစိုးရ အဖြစ် ပြောင်းလဲ ကြေညာခဲ့သည့်အပြင် ပြည်နယ် တိုင်းဒေသကြီး အစိုးရ အဖွဲ့ကို ဖွဲ့စည်းပြီးရခိုင်ပြည်နယ်၏ တိုင်းရင်းသားလူမျိုးရေးရာဝန်ကြီးအဖြစ် ချင်းလူမျိုး ဦးတင်လှကိုခန့်အပ်လိုက်ခြင်းသည်နိုင်ငံရေးအရ အသုံးချခြင်းဖြစ်သည်ဟု ထုတ်ပြန်ချက်တွင် ဖော်ပြထားသည်။

အာဏာသိမ်းမှုကြောင့် ချင်းလူမျိုးများအပါအဝင် မြန်မာနိုင်ငံရှိ လူမျိုးပေါင်းစုံမှ စစ်အာဏာရှင်စနစ်ပျက်သုဉ်းပြီါ် ဖက်ဒရယ်ဒီမိုကရေစီနိုင်ငံ ပေါ်ပေါက်လာရေး အသက်ကု စတေးပြီး နည်းလမ်းမျိုးစုံ တော်လှန်နေကြသည့်အချိန်တွင် စစ်အာဏာရှင် သက်ဆိုးရှည်စေမည့် ယန္တရားအောက်တွင် ရာထူးလက်ခံရယူခြင်းသည် မသင့်လျော်ကြောင်း ရခိုင်ပြည်နယ်မှ ချင်းအရပ်ဘက်အဖွဲ့များက ထုတ်ပြန်သည်။

ထို့ပြင် ဦးတင်လှသည် ရခိုင်ပြည်နယ် ချင်းလူမျိုးများမှ ရွေးချယ်တင်မြှောက်သည့် တရားဝင်မှုရှိသော ကိုယ်စား လှယ်မဟုတ်သည့်အပြင် ရခိုင်ပြည်နယ်မှ ချင်းလူထုကိုလည်း ကိုယ်စားမပြုကြောင်း၊ အကယ်၍ ဦးတင်လှအနေဖြင့် ၎င်းရာထူးမှ မနှုတ်ထွက်ပါက စစ်ကောင်စီ၏ တရားမဲ့ ပြုကျင့်မှုများအတွက် တာဝန်ခံရမည်ဖြစ်ကြောင်း ဖော်ပြထားသည်။

ထို့ပြင် လူမှုပြစ်ဒဏ်များပေးခြင်း၊ ဖယ်ကျဉ်ထားခြင်းများ ပြုလုပ်သွားမည်ဖြစ်ကြောင်း၊ ရခိုင်ပြည်နယ်မှ ချင်းအရပ်ဘက်အဖွဲ့များ လူပုဂ္ဂိုလ်များ အနေဖြင့်လည်း စစ်ကောင်စီ၏ အုပ်ချုပ်မှု ယန္တရားအောက်တွင် မည်သည့်နည်းနှင့်မျှ ပူးပေါင်းဆောင်ရွက်ခြင်းမပြုလုပ်ရန် အလေးအနက်နှိုးဆော်လိုက်ကြောင်း ထုတ်ပြန်ခဲ့သည်။

You May Also Like

သတင်း

မြန်မာနိုင်ငံတွင် စစ်အာဏာသိမ်းမှု ၂ နှစ်ပြည့်သည့် ယမန်နေ့(ဖေဖော်ဝါရီ ၁ ရက်)တွင်ပြုလုပ်သော သတင်းစာရှင်းလင်းပွဲ၌ ထည့်သွင်းပြောကြားခဲ့ခြင်းဖြစ်သည်။

သတင်း

အထက်ပါ တိုက်ခိုက်မှုတွင် သာယာဝတီခရိုင် PDF တပ်ရင်း (၃၈၀၂)၊ တပ်ခွဲ ၄ (မိုးညိုမြို့နယ် ပြည်သူ့ကာကွယ်ရေးတပ်ဖွဲ့)ဝင်များ အထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း အသိပေးထားသည်။

သတင်း

မိုင်း​ဖြင့် နှစ်ကြိမ်ခိုက်သော်လည်း စစ်ကောင်စီတပ်ဘက်မှ ပြန်လည်ပစ်ခက်ဖြစ်မရှိဘဲ ဒုတိယအကြိမ်တွင် ပျက်ဆီးသွားသော ကားပေါ်မှ အချိန်အတော်အတန်ကြာမှသာ ဆင်းလာခဲ့ပြီး တကောင်း(ပ.က.ဖ)မှ မိုင်းသမားများအား လိုက်လံရှာဖွေနေခဲ့ကြောင်း ယင်းတပ်ဖွဲ့က ပြောသည်။

သတင်း

ဇန်နဝါရီလ ၂၄ ရက်နေ့က ဝက်လက်မြို့ထဲမှထွက်လာသည့် မိသားစုတစ်စုလိုက်ပါလာသော အိမ်စီးကားတစ်စီးကို စစ်ကောင်စီတပ်က ပစ်ခတ်ခဲ့၍ ကားပေါ်ပါ တစ်နှစ်အရွယ်ကလေးငယ် သေဆုံးခဲ့ခြင်းဖြစ်ကြောင်း Wetlet Informational Network အဖွဲ့က ပြောသည်။