Connect with us

Hi, what are you looking for?

LuduNwayOo

News

ကရင်နီလက်နက်ကိုင်ပူးပေါင်းတပ်ဖွဲ့နှင့် စစ်ကောင်စီ ယနေ့ တိုက်ပွဲသုံးကြိမ် ထပ်မံဖြစ်ပွား

ဖရူဆိုမြို့နယ်အတွင်းသို့ ထိုးစစ်ဆင်လာသည့် စစ်ကောင်စီတပ်များကို ကရင်နီအမျိုးသားတိုးတက်ရေးပါတီ(KNPP/KA)နှင့် KNDF ပူးပေါင်းတပ်ဖွဲ့များက ခုခံတိုက်ခိုက်ခဲ့၍ ယနေ့ နေ့လည်ပိုင်းနှင့် ညနေပိုင်း၌ တိုက်ပွဲနှစ်ကြိမ်ဖြစ်ပွားခဲ့သည်ဟု ဖော်ပြသည်။

ကရင်နီဒေသသို့ ထိုးစစ်ဆင်လာသည့် အာဏာသိမ်းစစ်ကောင်စီတပ်ကို ကရင်နီလက်နက်ကိုင်ပူးပေါင်းအဖွဲ့က ခုခံတိုက်ခိုက်ခဲ့ရာ ယနေ့ တိုက်ပွဲသုံးကြိမ်ဖြစ်ပွားပြီး စစ်ကောင်စီတပ်ဖွဲ့ဝင်များ သေဆုံးထိခိုက်မှုရှိဟု ကရင်နီအမျိုးသားကာကွယ်ရေးတပ်ဖွဲ့(KNDF) က ထုတ်ပြန် သည်။

ဖရူဆိုမြို့နယ်အတွင်းသို့ ထိုးစစ်ဆင်လာသည့် စစ်ကောင်စီတပ်များကို ကရင်နီအမျိုးသားတိုးတက်ရေးပါတီ(KNPP/KA)နှင့် KNDF ပူးပေါင်းတပ်ဖွဲ့များက ခုခံတိုက်ခိုက်ခဲ့၍ ယနေ့ နေ့လည်ပိုင်းနှင့် ညနေပိုင်း၌ တိုက်ပွဲနှစ်ကြိမ်ဖြစ်ပွားခဲ့သည်ဟု ဖော်ပြသည်။

ထို့ပြင် ပင်လောင်းဘက်မှ စစ်ကြောင်းချီလာသည့် အကြမ်းဖက်စစ်ကောင်စီတပ်များကို ဖယ်ခုံမြို့နယ် ခေါင်းအိနှင့် လဝဲကျေးရွာအနီးတွင် KNDF တပ်များက ပိတ်ဆို့တိုက်ခိုက်ခဲ့၍ ယနေ့ ညနေပိုင်း၌ တိုက်ပွဲဖြစ်ပွားခဲ့သည်ဟု ဆိုသည်။

တိုက်ပွဲဖြစ်စဉ်များအတွင်း အကြမ်းဖက်စစ်ကောင်စီတပ်မှ ထိခိုက်သေဆုံးမှုများရှိပြီး သေဆုံးမှု အရေအတွက်ကို အတည်မပြုနိုင်သေးကောင်း ထုတ်ပြန်ခဲ့သည်။ KNPP/KNDF တပ်ဖွဲ့ဝင်များ ထိခိုက်ကျဆုံးမှုရှိမရှိကိုမူ ဖော်ပြမထားပေ။

ကရင်နီလက်နက်ကိုင်ပူးပေါင်းတပ်ဖွဲ့နှင့် စစ်ကောင်စီတပ်တို့သည် ဩဂုတ် ၁ရက်က ဘောလခဲနှင့် ဖရူဆိုမြို့နယ်အကြား၌ တိုက်ပွဲ ၄ကြိမ်ဖြစ်ပွားခဲ့ပြီး ဩဂုတ် ၈ရက်တွင်လည်း ရှမ်းကယားနယ်စပ်၌ တိုက်ပွဲဖြစ်ပွားခဲ့သည်။ အဆိုပါတိုက်ပွဲများ၌ စစ်ကောင်စီတပ်ဖွဲ့ဝင်များ သေဆုံးထိခိုက်မှုများပြားခဲ့သည်ဟုဆိုသည်။

Public Service Announcement

Public Service Announcement

စစ်ကောင်စီတပ်က အင်အားအများအပြားဖြင့် ထိုးစစ်ဆင်မှုများ ဆက်လုပ်နေ၍ တိုက်ပွဲများ ပိုမိုဖြစ်ပွားနိုင်ကြောင်း KNDFက ပြောဆိုထားသည်။