မိုးကုတ်တွင်​တောင်ကမ်းပါးယံပြို၍ ခုနစ်ဦးပိတ်မိပြီး ​ခြောက်ဦးကို ကယ်ထုတ်နိုင်၊တစ်ဦး​ကိုရှာ​ဖွေ​နေဆဲ

မန္တလေးတိုင်း ပြင်ဦးလွင်ခရိုင် မိုးကုတ်မြို့နယ်တွင် ယနေ့ (သြဂုတ် ၁၃ ရက်)နံနက်ပိုင်းက မိုးသည်းထန်စွာရွာသွန်းမှုကြောင့် တောင်ကမ်းပါးယံ ပြိုကျ၍ လူနေအိမ်ပေါ်သို့ ပိနေခဲ့ရာ လူခုနစ်ဦး ပိတ်မိခဲ့ကြောင်း မြို့ခံများက ပြောသည်။

ယနေ့နံနက် ၆ နာရီ ၂၀ မိနစ်ခန့်က မိုးကုတ်မြို့ မြို့မရပ်ကွက် မြို့မအပိုင်း(၄)တွင် ဖြစ်ပွားခဲ့ခြင်းဖြစ်ပြီး မီးသတ်တပ်ဖွဲ့ဝင်များ၊ အရပ်ဘက်အဖွဲ့အစည်းများက ကယ်ဆယ်ရေးလုပ်ငန်းများ ဆောင်ရွက်ခဲ့ရာ အမျိုးသား ငါးဦး၊ နှင့် က​လေးငယ် (မ)တစ်ဦး စုစု​ပေါင်း​ခြောက်ဦးကို အသက်ရှင်လျက်ကယ်ဆယ်နိုင်ခဲ့ပြီး ကျန်တစ်ဦးအား ဆက်လက်ရှာဖွေကယ်ဆယ်နေကြောင်း မိုးကုတ်မီးသတ်ဦးစီးဌာနက သတင်းထုတ်ပြန်သည်။

မိုးကုတ်မြို့တွင် ယမန်နေ့သြဂုတ်လ ၁၂ ရက် နံနက်ပိုင်းကလည်း မိုးသည်းထန်စွာရွာသွန်းမှုကြောင့် အုတ်တံတိုင်း၊ ထရန်စဖော်မာနှင့် ဓာတ်တိုင်ပြိုကျရာမှ လူနေအိမ်တစ်လုံးပေါ်ပိမိပြီး သုံးဦးသေဆုံးခဲ့ကြောင်း သိရသည်။