ဖယ်ခုံနှင့်ပင်​လောင်းကြားတွင် စစ်​ကောင်စီတပ်နှင့် PDFတို့ ၁၁နာရီကြာ တိုက်ပွဲဖြစ်၊ စစ်​ကောင်စီဘက်မှ​သေဆုံးမှုများဟုဆို

ဖယ်ခုံနှင့် ပင်​လောင်းမြို့နယ်ကြားတွင် သြဂုတ်၁၄ရက်က စစ်​ကောင်စီတပ်နှင့် အချိန်၁၁နာရီခန့်ကြာတိုက်ပွဲဖြစ်ပွားရာ စစ်​ကောင်စီတပ်သား​သေဆုံးမှုများပြားနိုင်​ကြောင်း ဖယ်ခုံ PDFက ယ​နေ့ထုတ်ပြန်သည်။

အဆိုပါ တိုက်ပွဲအတွင်း PDF ရဲ​ဘော်နှစ်ဦးထိခိုက်ဒဏ်ရာရခဲ့သည်ဟု ထုတ်ပြန်သည်။
ပင်​လောင်းဘက်မှလာ​သော စစ်​ကောင်စီ၏ စစ်​ကြောင်းများနှင့် PNO များက ဖယ်ခုံမြို့နယ်ရှိ PDFတပ်များကို ဝင်​ရောက်ကျူး​ကျော်ရန်မူပြီး စတင်တိုက်ခိုက်ခြင်း​ကြောင်းဟု ​ဖော်ပြထားသည်။

စစ်​ကောင်စီဘက်က အကျအဆုံးများ၍ ​အောင်ပန်းဘက်မှ စစ်ကူများ​ထပ်ခေါ်ထားသည့်သတင်းကြားရသည်ဟု PDFက ဆိုသည်။

အဆိုပါတိုက်ပွဲကို ဖယ်ခုံPDFနှင့်အတူ PDF-DMO၊MBPDF၊KAနှင့် KNDFတို့က ပူး​ပေါင်းတိုက်ခိုက်ခဲ့သည်ဟု ထပ်မံ​ဖော်ပြထားသည်။

Public Service Announcement