Connect with us

Hi, what are you looking for?

LuduNwayOo

News

အကြမ်းဖက်စစ်တပ်ကို ​မောင်းထုတ်ရန်အချိန်ကျပြီဖြစ်၍ ပြည်သူများအ​နေဖြင့် ​တော်လှန်​ရေးအရှိန်မြှင့်တင်​​ရေးကူညီ​ပေးကြရန် ကသာ-PDF ​မေတ္တာရပ်ခံ

တော်လှန်​ရေးအရှိန်မြှင့်တင်နိုင်​ရေး ကူညီ​ပေးကြရန် ကသာ-PDFက ​မေတ္တာရပ်ခံချက်ထုတ်ပြန်သည်။

အကြမ်းဖက်စစ်တပ်က ပြည်သူများ၏အသက်အိုးအိမ်များကို ဖျက်ဆီးယူငင်မှုများပိုမိုလုပ်​ဆောင်​လာသဖြင့် ၎င်းတို့ကို​မောင်းထုတ်ရန်အချိန်ကျ​ရောက်လာ၍ ပြည်သူများအ​နေဖြင့် ​တော်လှန်​ရေးအရှိန်မြှင့်တင်နိုင်​ရေး ကူညီ​ပေးကြရန် ကသာ-PDFက ​မေတ္တာရပ်ခံချက်ထုတ်ပြန်သည်။

ကသာမြို့နယ်ပြည်သူ့ကာကွယ်ရေးတပ်ဖွဲ့သည် မဟာမိတ်အဖွဲ့၏နည်းပညာနှင့်ရင်းမြစ်အကူအညီများရယူလျက် ဒေသတွင်း လူသတ်အကြမ်းဖက်အဖွဲ့အားခုခံတွန်းလှန်နေသည်ကို ပြည်သူများသိရှိပြီးဖြစ်ပြီး ယခုအခါ ဒေသတွင်းသို့ လူသတ်အကြမ်းဖက်အဖွဲ့အင်အားများတိုးချဲ့ဖြန့်ကျက်ထားပြီး ပြည်သူများ ၏အသက်အိုးအိမ်များကို ဖျက်ဆီးယူငင်ခြင်းများပိုမိုလုပ်ဆောင်လာကြသဖြင့် ယင်းတို့ကိုဒေသတွင်းမှ မောင်းထုတ်ရန်အတွက် လက်ရှိခုခံတွန်းလှန်မှုထက်ပိုမိုထိရောက်သောဟန့်တားမှုများကို ထိထိရောက်ရောက်ဆောင်ရွက်ရန် အချိန်ကျရောက်လာပြီဖြစ်သည်ဟု ထုတ်ပြန်သည်။

ထို့​ကြောင့် ပြည်သူများအနေဖြင့် လုံခြုံရာနေရာများကိုရှာဖွေနေထိုင်ကြကာ နီးစပ်ရာ ကသာမြို့နယ်ပြည်သူ့ကာကွယ်ရေးတပ်ဖွဲ့ ၏ တပ်ရင်း၊ တပ်ခွဲ၊ တပ်စု၊ တပ်စိတ်များသို့ အင်အားဖြည့် တင်းခြင်း၊ သတင်းအချက် အလက်များကို အချိန်မီကူညီပံ့ပိုးခြင်း၊ တော်လှန်ရေးရန်ပုံငွေများစုစည်းထည့်ဝင်ပေးကြခြင်းဖြင့် တော်လှန် ရေးအရှိန်အဟုန်ကိုမြှင့်တင်ကြပါရန် အသိပေးတိုက်တွန်းအပ်ပါသည်ဟု ​ဖော်ပြထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

မန်တုံမြို့တွင် စက်တင်ဘာ ၂၉ရက်က တိုက်ပွဲစတင်ခဲ့ခြင်းဖြစ်သည်။ မြို့ပေါ်ရှိ စစ်ကောင်စီတပ်နှင့် ရဲစခန်းကို KIA/PDF ပူးပေါင်းတပ်က သွားရောက်တိုက်ခိုက်ခဲ့ခြင်းဖြစ်ပြီး ရဲစခန်းကို မီးရှို့ဖျက်ဆီးခဲ့သည်။

သတင်း

လတ်တလောဖြစ်ပေါ်နေသော စစ်ရေးအခြေအနေများအရ ပြည်သူများ သတိပြု သွားလာနေထိုင်ကြရန် မြိတ်ခရိုင်တပ်ရင်း (၂)က တိုက်တွန်း နှိုးဆော်ထားသည်။

သတင်း

ကျားတက်စခန်းသိမ်းတိုက်ပွဲတွင် စစ်ကောင်စီဘက်က အထိနာခဲ့သော်လည်း သေဆုံးသူအရေအတွက်ကို မသိရသေးပေ။ စစ်ကောင်စီတပ်သည် ကျားတက်စခန်းကို ပြန်လည်ဝင်ရောက်လာခြင်းမရှိသေးကြောင်း ဒေသခံများက ပြောသည်။

သတင်း

မုံရွာ-မန္တလေးလမ်းပိုင်းတွင် အကြမ်းဖက်စစ်ကောင်စီယာဥ်များ ဖြတ်သန်းသွားတိုင်း ဒေသတွင်း PDFအဖွဲ့များက မကြာခဏ မိုင်းခွဲတိုက်ခိုက်လေ့ရှိသည်။