မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့နယ်တွင် ယနေ့နံနက်ပိုင်းက ရဲစခန်းနှင့် ထွေအုပ်ရုံးအပါအဝင် နေရာသုံးနေရာကို ရေစကြို PDF အဖွဲ့က ဗုံးခွဲတိုက်ခိုက်ခဲ့ကြောင်း နယ်ခံများက ပြောသည်။
သြဂုတ်လ ၁၉ ရက် နံနက်ပိုင်းက ရေစကြိုမြို့ပေါ်မှာရှိသည့် အထွေထွေအုပ်ချုပ်ရေးမှူးရုံး၊ရုံးပေါင်းစုံစုထားသည့် မြန်မာ့စီးပွားရေးဘဏ်ဝင်းနှင့် ပခန်းကြီးနယ်မြေရဲစခန်းတို့ကို ဗုံးခွဲတိုက်ခိုက်ခဲ့ကြောင်း ရေစကြို PDF အဖွဲ့က အသိပေးခဲ့သည်။
ထိခိုက်ဒဏ်ရာ ရရှိမှုအခြေအနေမသိရသေးကြောင်း၊ ဗုံးပေါက်ကွဲမှူများ ဖြစ်ပွားပြီးနောက် စစ်ကောင်စီတပ်သားများ၏ ပစ်ခတ်မှုများလည်း ကြားလိုက်ရကြောင်း နယ်ခံများက ပြောသည်။
ချောင်းဦး- မအူရွာအနီး ကျွန်းဘိုပင်ရွာ၊ ကံပွင့်ဇရပ်အနီးတွင်လည်း စစ်ကောင်စီတပ်များသည် လမ်းသွားလမ်းလာယာဥ်များအား ပိတ်ဆို့စစ်ဆေးနေကြောင်း နယ်ခံများက ပြောသည်။
ရေစကြို PDF အဖွဲ့သည် သြဂုတ်လ ၉ ရက်နေ့ကလည်း ရေစကြိုလျှပ်စစ်ရုံးကို ဗုံးခွဲတိုက်ခိုက်ခဲ့သည်။
Public Service Announcement
