ရန်ကုန်မြို့ လသာမြို့နယ်ရဲစခန်းနှင့် လှိုင်သာယာမြို့နယ် အရှေ့ပိုင်းမြို့မရဲစခန်း အနီး ယနေ့ည ၇နာရီခန့်က ဗုံးပေါက်ကွဲမှုများဖြစ်ပွားခဲ့ကြောင်း ဒေသခံများက ပြောသည်။
အဆိုပါ ပေါက်ကွဲမှုကြောင့် လှိုင်သာယာရဲစခန်းရှေ့တွင် ရပ်ထားသည့် ကားတစ်စီးမီးလောင်ခဲ့ကြောင်း အဆိုပါမြို့နယ်ရှိ ပြည်သူတစ်ဦးက ပြောသည်။
“လှိုင်သာယာ ရဲစခန်းရှေ့မှာ ဗုံးကပေါက်တာပါ။ ရဲစခန်းနားမှာ ထိန်းသိမ်းထားတဲ့ ကားတစ်စီးပေါက်ကွဲသွားပါတယ်။ အခြားထိခိုက်မှုတော့ မသိရသေးပါဘူး။ အခုတော့ စစ်ဆေးမှုတွေ လုပ်နေကြပါတယ်”ဟု ၎င်းက ပြောသည်။
ထို့အပြင် လသာရဲစခန်းအနီး ဗုံးပေါက်ကွဲမှု ဖြစ်ပွားခဲ့သည့်အပြင် သေနတ်ပစ်ခေတ်သံများလည်း ကြားရကြောင်း ဒေသခံတစ်ဦးက ပြောသည်။
Public Service Announcement
“လသာရဲစခန်းနားက အထုပ်မဲကနေတစ်ဆင့် ပေါက်တာလို့ သိရပါတယ်။ လာပစ်တဲ့ကားကို စစ်သားတွေ လိုက်ပစ်လို့ ပစ်ခတ်သံတွေပါကြားရတာပါ။ ထိခိုက်မှုရှိ မရှိကိုတော့ အတည်မပြုနိုင်ပါဘူး”ဟု ၎င်းက ဆိုသည်။
