အာဏာရှင်မှန်သမျှနဲ့ စစ်အာဏာရှင်စနစ်ကို အုပ်ချုပ်မခံတဲ့ အခြားတိုင်းရင်းသားအင်အားစု တွေနဲ့အတူ တော်လှန်ဖို့ မွန်တိုင်းရင်းသားလုံးကို မွန်လူငယ်အင်အားစုက တိုက်တွန်းနှိုးဆော်ပါတယ်။
ဒီနေ့ကျရောက်တဲ့ (၇၄)နှစ်မြောက် မွန်တော်လှန်ရေးနေ့ကို ‘အာဏာရှင်ဟူသမျှ တော်လှန်သော မွန်လူငယ်အင်အားစု’ က ကြိုဆိုကြောင်းနဲ့ မွန်တော်လှန်ရေးအတွက် အသက်၊ သွေး၊ ချွေးများ ပေးဆပ်ပြီး ရဲရင့်စွာတိုက်ပွဲဝင်ခဲ့ကြတဲ့ ကျဆုံးလေပြီးသော မွန်ခေါင်းဆောင်များ၊ ရဲဘော်များ၊ ပြည်သူများနဲ့ ဆက်လက်တိုက်ပွဲဝင်နေသူအားလုံးကို အလေးပြုကြောင်း ထုတ်ပြန်ချက်မှာ ဖော် ပြပါတယ်။
ဖေဖော်ဝါရီ ၁ ရက်မှာ စစ်တပ်က အာဏာသိမ်းလိုက်ခြင်းဟာ တိုင်းရင်းသားလူမျိုးအခွင့်အရေးတွေနဲ့ ဖက်ဒရယ်ပြည်ထောင်စု တည်ဆောက်ရေးမှာ ပိုမိုအလှမ်း ဝေးသွားစေတယ်လို့ မွန်လူငယ် အင်အားစုက ဆိုပါတယ်။
ဗမာစစ်တပ်ဟာ သူတို့တပ်ရဲ့ နိုင်ငံရေး၊ စီးပွားရေး အကျိုးအမြတ်ကိုသာ ဦးထိပ်ထားပြီး စစ်အာဏာ ရှင်စနစ်ဟာ မြန်မာနိုင်ငံမှာ နှစ်ပေါင်းများစွာကြာအောင် တောက်လောင်ခဲ့တဲ့ ပြည်တွင်းစစ် မီးနဲ့ နိုင်ငံရေးပဋိပက္ခကို သက်ဆိုးရှည်စေရုံသာမက နိုင်ငံရဲ့အကျိုးစီးပွားအတွက် လုံး၀ အထောက်အကူမဖြစ်ကြောင်းကို သမိုင်းအဆက်ဆက်တွေ့မြင်ခံစားခဲ့ရပြီးဖြစ်တယ်လို့ ဆိုပါတယ်။
Public Service Announcement
မွန်လူငယ်တွေဟာ မွန်တော်လှန်ရေး အင်အားဖြစ်တာကြောင့် မိမိတို့ ကျွမ်းကျင်ရာ အခန်းကဏ္ဍ ကနေ အာဏာရှင်တွေကို တွန်းလှန်တိုက်ပွဲဝင်ဖို့၊ မွန်လူငယ်တွေဟာ အမြင်သဘောထားနဲ့ တော် လှန်ရေးရပ်တည်ချက်တွေ ကွဲပြားပေမယ့် ဖက်ဒရယ်ပြည်ထောင်စု တည် ဆောက်ရေးမှာ ချိတ်ဆက်ပူးပေါင်းဆောင်ရွက်သွားဖို့ တိုက်တွန်းထားပါတယ်။
ဒါ့အပြင် အာဏာရှင်စနစ်မှန်သမျှ မချုပ်ငြိမ်းမချင်း တော်လှန်ရေးကို ရပ်တန့်သွားမှာမဟုတ်ဘဲ အမျိုးသားတန်းတူရေးနဲ့ ကိုယ်ပိုင်ပြဌာန်းခွင့်အပြည့်အ၀ရှိတဲ့ ပြည်ထောင်စုတည်ဆောက်ဖို့ မွန် ပြည်သူတွေနဲ့အတူ မွန်လူငယ်အင်အားစုက အတူတကွ တိုက်ပွဲဝင်သွားမယ်လို့ ထုတ်ပြန်ပါတယ်။
