အောက်တိုဘာကျရင် ထိုင်းနိုင်ငံကို ဝင်ထွက်သွားလာခွင့်တွေပြန်ဖွင့်မယ်လို့ပြောထားခဲ့တဲ့စကားကို ထိုင်းဝန်ကြီးချုပ် ပရာရွတ်က ပြန်ရုပ်သိမ်းဖွယ်ရှိနေပါတယ်။
တိုင်းပြည်ကိုပြန်ဖွင့်ဖို့ ဇွန်လထဲမှာ ပြောခဲ့တာဖြစ်ပြီး ထိုင်းနိုင်ငံသားတွေအနေနဲ့ ကိုဗစ်နဲ့ နေသားတကျဖြစ်အောင်ကြိုးစားရမှာဖြစ်ပြီးတော့ အဲလိုမှမဟုတ်ရင် စီးပွားရေးထိခိုက်မှုက ကြီးမားသွားလိမ့်မယ်လို့ ဝန်ကြီးချုပ်က ပြောခဲ့တာပါ။ အဲဒီလိုပြောတဲ့အချိန်က နိုင်ငံအဝန်း Lockdown အစီအမံတွေလည်းမရှိသေးပါဘူး။
အဲဒီလိုပြောပြီးသိပ်မကြာခင်မှာပဲ ထိုင်းနိုင်ငံထဲမှာ ကိုဗစ်ကူးစက်မှုတွေမြင့်တက်လာပြီးတော့ နေ့စဥ်လူနာသစ်တိုးနှုန်းက တစ်ရက် နှစ်သောင်းကျော်အထိ မြင့်တက်ခဲ့တာဖြစ်ပါတယ်။
” အခြေအနေတွေအရဖြစ်နိုင်ရင် အောက်တိုဘာမှာပြန်ဖွင့်မယ်လို့ ပြောခဲ့တာဖြစ်ပြီးတော့ ပြန်ဖွင့်ဖို့မဖြစ်နိုင်သေးဘူးဆိုရင်လည်း ကဏ္ဍအလိုက်ဖွင့်ရမှာပါ” လို့ ဝန်ကြီးချုပ်က ပြောပါတယ်။
Public Service Announcement
တကယ်လိုအခုချိန်ပြန်ဖွင့်ခဲ့ရင်လည်း ကိုဗစ်ကူးစက်မှုတွေက မြင့်တက်နေဆဲဖြစ်လို့ ဧည့်သည်တွေသိပ်များများစားစားလာမှာမဟုတ်ဘူးလို့လည်း ဝန်ကြီးချုပ်က ဆိုပါတယ်။
ထိုင်းနိုင်ငံဟာ ၂၀၁၉ ခုနစ်တုန်းက နိုင်ငံခြားသားဧည့်သည် သန်း ၄၀ နီးပါးလာရောက်ခဲ့တာဖြစ်ပြီးတော့ ဧည့်သည်တွေရဲ့ နိုင်ငံအတွင်းသုံးစွဲမှုက ထိုင်းဘတ် ၂ ထရီလီယံနီးပါးရှိခဲ့တာဖြစ်ပါတယ်။
၂၀၂၁ မှာတော့ ခရီးသွားဝင်ရောက်မှုက အတော့်ကိုထိုးကျသွားခဲ့တာဖြစ်ပြီးတော့ ကိုဗစ်တတိယလှိုင်းရိုက်ခတ်မှုကြောင့် နိုင်ငံခြားသားဧည့်သည်ဝင်ရောက်မှုကို ပိတ်ထားရတာလည်းဖြစ်ပါတယ်။
