အကြမ်းဖက်စစ်တပ်အာဏာသိမ်းအပြီး ခုနစ်လအတွင်း ပြည်ခိုင်ဖြိုးပါတီဝင်နဲ့ ဝန်းရံထောက်ခံသူ ၂၅၃ ဦး သေဆုံးခဲ့တယ်လို့ အဲဒီပါတီက ဒီနေ့ထုတ်ပြန်ကြေညာပါတယ်။
အကြောင်းမဲ့အကြမ်းဖက် သတ်ဖြတ်မှုကြောင့် အခြားသောနိုင်ငံရေးပါတီတွေ၊ လုံခြုံရေးတပ်ဖွဲ့ ဝင်တွေ၊ နိုင်ငံ့ဝန်ထမ်းတွေ၊ ပြည်သူတွေရဲ့အရေအတွက်ဟာလည်း အများအပြားရှိတယ်လို့ ပြည်ခိုင်ဖြိုးရဲ့ ထုတ်ပြန်ချက်မှာဖော်ပြပါတယ်။
NLD ပါတီဟာ တည်ဆဲအစိုးရကို နည်းမျိုးစုံနဲ့ ဆန့်ကျင်နေတယ်လို့လည်း ပြည်ခိုင်ဖြိုးက ဆိုပါ တယ်။ ဒါ့အပြင် NLD ဟာ CRPH၊ NUG၊ PDF စတာတွေကို အဆင့်ဆင့်ဖွဲ့စည်းကာ သပိတ်မျိုးစုံ နဲ့ ဆန္ဒပြခြင်း၊ အဓိကရုဏ်း ဖန်တီးခြင်း၊ နိုင်ငံ့ဝန်ထမ်းအချို့ကို CDM ပြုလုပ်စေကာ အုပ်ချုပ်ရေးယန္တရားကို နှောင့်ယှက်ခြင်း စတာတွေကို လုပ်ဆောင်တယ်လို့ ပြည်ခိုင်ဖြိုးက ထုတ်ပြန် ပါတယ်။
တရားမဝင်လက်နက်မျိုးစုံကိုင်ဆောင်ပြီး NLD ရဲ့ ပြိုင်ဘက်ပါတီဝင်တွေ၊ တပ်မတော်ထောက်ခံ သူတွေ၊ လုံခြုံရေးတပ်ဖွဲ့ဝင်တွေ၊ နိုင်ငံ့ဝန်ထမ်းတွေကို ခြိမ်း ခြောက်ခြင်း၊ နှိပ်စက်သတ်ဖြတ်ခြင်းတို့ကို ပြုလုပ်နေတယ်လို့ ပြည်ခိုင်ဖြိုးက ဆိုပါတယ်။
Public Service Announcement
စစ်တပ်ကျောထောက်နောက်ခံပြုပါတီဖြစ်တဲ့ ပြည်ခိုင်ဖြိုးဟာ မြန်မာပြည်သူလူထုနဲ့ နိုင်ငံတကာအသိုင်းအဝိုင်းက လက်မခံတဲ့ စစ်အာဏာသိမ်းမှုကို ထောက်ခံထားပြီး ပြီးခဲ့တဲ့ ၂၀၁၅ ရွေးကောက်ပွဲနဲ့ ၂၀၂၀ရွေးကောက်ပွဲ နှစ်ကြိမ်စလုံးမှာ NLD ပါတီကို အပြတ်အသတ်ရှုံးနိမ့်ခဲ့တဲ့ ပါတီလည်းဖြစ်ပါတယ်။
