ပေါက်ခေါင်းမြို့နယ်အတွင်းရှိ ကြက်ခြံတစ်ခုတွင် တိမ်းရှောင်နေသည့် CDM ဝန်ထမ်းသုံးဦး နှင့် အရပ်သားတစ်ဦးကို စစ်ကောင်စီက ယနေ့ စက်တင်ဘာ၄ ရက်တွင်ဖမ်းဆီးခဲ့ကြောင်း ပေါက်ခေါင်းမြို့နယ်လုံးဆိုင်ရာ ကျောင်းသားများ သမဂ္ဂက သတင်းထုတ်ပြန်ထားသည်။
အဆိုပါ CDM ဝန်ထမ်းသုံးဦးသည် လွန်ခဲ့သည့် ငါးလခန့်ကတည်းက ယင်းနေရာ၌ ရှောင်တိမ်းနေခြင်းဖြစ်ပြီး သတင်းအတိအကျရသောကြောင့် စစ်ကား ၂ စီးဖြင့်လာရောက်ကာဖမ်းဆီးခဲ့ခြင်းဖြစ်ကြောင်း ပေါက်ခေါင်းမြို့နယ်လုံးဆိုင်ရာကျောင်းသားများသမဂ္ဂ ကသတင်းထုတ်ပြန်ထားသည်။
ပေါက်ခေါင်းမြို့နယ်လုံးဆိုင်ရာကျောင်းသားများသမဂ္ဂ သည် ပြည်သူများထံမှ အလှူငွေများကောက်ခံ၍ CDM ဝန်ထမ်းများကိုအလှူငွေထောက်ပံ့မှုများပြုလုပ်နေသည်။
