ရန်ကုန်မြို့ မြန်မာပလာဇာအနီး ကမ္ဘာအေးဘုရားလမ်းမပေါ်ရှိ ယာဥ်ထိန်းရဲရုံးတွင် ယနေ့(စက်တင်ဘာ ၆ ရက်) နံနက် ၄နာရီကျော်က ဗုံးပေါက်ကွဲမှု ဖြစ်ပွားခဲ့သည်။
“မြန်မာပလာဇာ မျက်နှာချင်းဆိုင် မီးပွိုင့်နားက ယာဥ်ထိန်းရဲရုံးမှာ ဗုံးပေါက်တာပါ။ ယာဥ်ထိန်းရဲရုံးက မှန်တွေကွဲသွားတာတော့ တွေ့ရတယ်။ ယာဥ်ထိန်းရဲတွေ ဒဏ်ရာရတာတော့ မတွေ့ရပါဘူး “ဟု မြန်မာပလာဇာအနီး နေထိုင်သူတစ်ဦးက ပြောသည်။
ပေါက်ကွဲမှုဖြစ်ပြီးနောက် အကြမ်းဖက်စစ်ကောင်စီ တပ်ဖွဲ့ဝင်များ ရောက်ရှိလာပြီး စစ်ဆေးမှုများ ပြုလုပ်ခဲ့ကြောင်း ဒေသခံများက ပြောသည်။
ထို့အပြင် ယနေ့ နံနက် ၈ နာရီခန့်ကစ၍ ရန်ကုန်မြို့လယ် ဆူးလေဘုရားအနီး ၊ ဗိုလ်ချုပ်လမ်းနှင့် ကမ်းနားလမ်း တို့တွင် စစ်ကောင်စီတပ်များက ကားများကို စစ်ဆေးခြင်းများ လုပ်ဆောင်နေကြောင်း မြို့ခံများက ဆိုသည်။
Public Service Announcement
