Connect with us

Hi, what are you looking for?

LuduNwayOo

News

ကုလဝန်ထမ်းတွေရဲ့ ပညာရှင်ဆန်မှုကိုပြသဖို့ တောင်းဆိုတယ်လို့ စစ်ကောင်စီရဲ့နိုင်ငံခြားရေးဝန်ကြီးဌာနဆို

မြန်မာစစ်တပ်က ဥပဒေမဲ့ အာဏာသိမ်းတဲ့ ဖေဖော်ဝါရီ ၁ ရက်မှာပဲ ကုလသမဂ္ဂအထွေထွေအတွင်းရေးမှူးချုပ်က စစ်တပ်အာဏာသိမ်းမှုကို ရှုတ်ချပြစ်တင်ခဲ့ပြီး မတရားဖမ်းဆီးခံရတဲ့ နိုင်ငံရေး အကျဉ်းသားအားလုံးကို ချက် ချင်းပြန်လွှတ်ပေးဖို့ တောင်းဆိုခဲ့ပါတယ်။

ကုလသမဂ္ဂဝန်ထမ်းတွေရဲ့ ပညာရှင်ဆန်မှုကိုပြသဖို့ တောင်းဆိုတယ်လို့ အကြမ်းဖက်စစ်ကောင်စီ လက်အောက်ခံ နိုင်ငံခြားရေးဝန်ကြီးဌာနက ဒီနေ့ထုတ်ပြန်ပါတယ်။

ကုလသမဂ္ဂအတွင်းရေးမှူးချုပ်ရဲ့ ပြောခွင့်ရပုဂ္ဂိုလ်ရုံးက နေ့စဉ်ပြုလုပ်တဲ့သတင်းစာရှင်းလင်းပွဲ တွေမှာ မြန်မာ နိုင်ငံကိုမကြာခဏရည်ညွှန်းပြောကြားနေပြီး ပြည်တွင်းမှာ နိုင်ငံတကာရဲ့ အာရုံစိုက်မှုလိုအပ်တဲ့ အထင်ကရဖြစ်စဉ်မရှိဘဲ နိုင်ငံတစ်နိုင်ငံကို ရွေးချယ်ပစ်မှတ်ထားနေတယ်လို့ ထုတ်ပြန်ချက်မှာဖော်ပြပါတယ်။

မြန်မာစစ်တပ်က ဥပဒေမဲ့ အာဏာသိမ်းတဲ့ ဖေဖော်ဝါရီ ၁ ရက်မှာပဲ ကုလသမဂ္ဂအထွေထွေအတွင်းရေးမှူးချုပ်က စစ်တပ်အာဏာသိမ်းမှုကို ရှုတ်ချပြစ်တင်ခဲ့ပြီး မတရားဖမ်းဆီးခံရတဲ့ နိုင်ငံရေး အကျဉ်းသားအားလုံးကို ချက် ချင်းပြန်လွှတ်ပေးဖို့ တောင်းဆိုခဲ့ပါတယ်။

ဒါပေမဲ့ အကြမ်းဖက်စစ်တပ်ဟာ ကုလအထွေထွေ အတွင်းရေးမှူးချုပ်နဲ့ ကုလသမဂ္ဂရဲ့ တောင်းဆိုမှုတွေကို လျစ်လျူရှုပြီး နိုင်ငံအတွင်းမှာ ပြည်သူလူထုအပေါ် ဖိနှိပ်ခြင်း၊ မတရားမသဖြင့် ဖမ်းဆီးခြင်း၊ လူမဆန်စွာ သတ်ဖြတ်ခြင်းတွေကို နေ့စဉ်နဲ့အမျှ ကျူးလွန်နေခဲ့ပါတယ်။

Public Service Announcement

Public Service Announcement

စစ်ကောင်စီလက်အောက်ခံ နိုင်ငံခြားရေးဝန်ကြီးဌာနရဲ့ ထုတ်ပြန်ချက်မှာတော့ ရန်ကုန်မြို့ရှိ ကုလသမဂ္ဂဌာနေကိုယ်စားလှယ်ရုံးဟာ စိစစ်လို့ မရနိုင်တဲ့ပုံကြီးချဲ့ထားတဲ့ ကိန်းဂဏန်းတွေပါဝင်တဲ့ အစီရင်ခံစာတွေကို ကိုးကားနေတယ်လို့ ဆိုပါတယ်။

“ယင်းသို့ စိစစ်ရမည့်အစား ပြောခွင့်ရပုဂ္ဂိုလ်ရုံးသို့ ပေးပို့ပြီးအများသို့ထုတ်ပြန်လျက်ရှိရာ ကုလသမဂ္ဂဝန်ထမ်းများ၏ ပညာရှင်ဆန်မှုမှာမေးခွန်းထုတ်ဖွယ်ဖြစ်သည်။ သို့ဖြစ်ရာ သက်ဆိုင်ရာ ကုလသမဂ္ဂဝန်ထမ်းများအနေဖြင့် အထင်အမြင်လွဲမှားစေသော ထုတ်ပြန်ချက်များ ထုတ်ပြန်ခြင်းနှင့် ပြည်တွင်းရေးတွင် စွက်ဖက်မှုများမှ ရှောင်ကြဉ်ရန်နှင့် အများပြည်သူသို့ အသိပေးပြောကြားရာတွင် ဂုဏ်သိက္ခာ၊ လွတ်လပ်မှုနှင့် ဘက်မလိုက်မှု တို့ကိုကျင့်သုံးရန် တောင်းဆိုသည်”လို့ ထုတ်ပြန်ပါတယ်။

ကုလသမဂ္ဂဌာနချုပ်တည်ရှိရာ အမေရိကန်နဲ့ကမ္ဘာတစ်လွှားမှာတော့ ဒီလထဲမှာ ကျင်းပမယ့် ကုလသမဂ္ဂအထွေထွေညီလာခံမှာ ပြည်သူလူထုနဲ့ တစ်သားတည်းရပ်တည်တဲ့၊ ရွေးချယ်တင် မြှောက်ခံကိုယ်စားလှယ်တွေနဲ့ ဖွဲ့စည်းထားတဲ့ အမျိုးသားညီညွတ်ရေးအစိုးရ(NUG) ရဲ့ ကိုယ်စားလှယ်သံအမတ်ကြီးကို ဦးကျော်မိုးထွန်းကို ကုလသမဂ္ဂဆိုင်ရာ မြန်မာသံအမတ်ကြီးအဖြစ် ဆက် လက်အသိအမှတ်ပြုရေး လှုပ်ရှားမှုတွေကို လုပ်ဆောင်နေပါတယ်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။