Connect with us

Hi, what are you looking for?

News

ကောလင်းမြို့တွင် အရပ်သားတစ်ဦးကို စစ်ကောင်စီပစ်ခတ်သတ်ဖြတ်

သေဆုံးသည့် အမျိုးသားသည် အသက် ၃၅ အရွယ်ရှိ ကိုသော်ဇင်ဖြိုးဆိုသူဖြစ်ပြီး ၎င်းသည် ရွှေဘိုမြို့၌ အိမ်ထောင်ကျနေသူဖြစ်ကြောင်း၊ မိဘနေအိမ်သို့ ခေတ္တပြန်လာနေသည်မှာ ၃ရက်ခန့်သာ ရှိသေးပြီး ယခုကဲ့သို့ စစ်ကောင်စီလက်ချက်ကြောင့် သေဆုံးခဲ့ရကြောင်း ကောလင်းမြို့ခံက ပြောသည်။

People's Spring
People's Spring

စစ်ကိုင်းတိုင်း ကောလင်းမြို့ပေါ်တွင် စက်တင်ဘာ ၅ရက်ညပိုင်းက အမျိုးသားတစ်ဦးကို စစ်ကောင်စီတပ်က ပစ်ခတ်ခဲ့၍ ကျည်ထိမှန်ဒဏ်ရာရကာ ယနေ့တွင် သေဆုံးသွားခဲ့သည်ဟု မြို့ခံတစ်ဦးက ပြောသည်။

ယမန်နေ့ည ၇နာရီခန့်က မြို့ပေါ်၌ ပေါက်ကွဲသံထွက်ပေါ်ခဲ့ပြီးနောက်ပိုင်း၌ အရပ်သားတစ်ဦး ပစ်ခတ်ခံရခြင်းဖြစ်သည်ဟု ဆိုသည်။

“မနေ့က အပြစ်မဲ့ ပြည်သူဘက်ကတစ်ယောက် အပစ်ခံရပြီးတော့ ဒီနေ့ ကွယ်လွန်သွားတယ်။ လမ်းမှာ အပစ်ခံရတာ။ ဗုံးသံကြားပြီးတဲ့နောက်ပိုင်း ဆိုင်ကယ်နဲ့ အိမ်ပြန်တဲ့အချိန် အပစ်ခံရတာ”ဟု ကောလင်းမြို့ခံက ပြောသည်။

သေဆုံးသည့် အမျိုးသားသည် အသက် ၃၅ အရွယ်ရှိ ကိုသော်ဇင်ဖြိုးဆိုသူဖြစ်ပြီး ၎င်းသည် ရွှေဘိုမြို့၌ အိမ်ထောင်ကျနေသူဖြစ်ကြောင်း၊ မိဘနေအိမ်သို့ ခေတ္တပြန်လာနေသည်မှာ ၃ရက်ခန့်သာ ရှိသေးပြီး ယခုကဲ့သို့ စစ်ကောင်စီလက်ချက်ကြောင့် သေဆုံးခဲ့ရကြောင်း ကောလင်းမြို့ခံက ပြောသည်။

Public Service Announcement

Public Service Announcement

“သူကတော့ အခြားဘာအဆက်အစပ်မှမရှိဘူး။ အဲဒါကို ဒီအတိုင်း အပစ်ခံရတာ။ အခုဟာက ကောလင်းမြို့အနေအထားနဲ့ကျတော့ ထွေအုပ်ရုံး က ကောလင်းမြို့အလယ်ကောင်မှာလို ဖြစ်နေတာ။ အဲဒါ အခု သေနတ်မှန်တဲ့နေရာက ထွေအုပ်ရုံးနဲ့ တစ်လမ်းခြားမှာ။ ထွေအုပ်ရုံးက လှမ်းပစ်လိုက်လို့လား ဒါမှမဟုတ် သူတို့ ကင်းပတ်တာနဲ့ တွေ့လို့ ပစ်လိုက်တာလား တိတိကျကျ မသိရဘူး” ဟု ၎င်းက ဆိုသည်။

ကောလင်းမြို့ပေါ်တွင် ယခင်ကလည်း ညပိုင်းအချိန်များ၌ စစ်ကောင်စီတပ်က အကြောင်းမဲ့ပစ်ခတ်မှုများ လုပ်ဆောင်ခဲ့သည်ဟု ဒေသခံက ပြောသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။