အမျိုးသားညီညွတ်ရေးအစိုးရရဲ့ ပြည်သူ့ခုခံတွန်းလှန်စစ်ကြေညာခြင်းအပါအဝင် မကြာသေးခင်ဖြစ်ရပ်တွေကြောင့် ရန်ကုန်နဲ့ အစွန်းအဖျားဒေသတွေမှာ တင်းမာမှုမြင့်တက်နိုင်တယ်လို့ အမေရိကန်သံရုံးက သူ့နိုင်ငံသားတွေကို အသိပေးထားပါတယ်။
အမေရိကန်နိုင်ငံသားတွေ မြန်မာနိုင်ငံကို မလာရောက်ဖို့ ဒါမှမဟုတ် အမြန်ဆုံးထွက်ခွာဖို့ လမ်းညွှန်ချက် အဆင့် ၄ (Level 4) ထုတ်ပြန်ခြင်းဟာ အမေရိကန်နိုင်ငံခြားရေးဝန်ကြီးဌာနရဲ့ အမြင့်ဆုံးခရီးသွား လာရေးကန့်သတ်ချက်ဖြစ်ပြီး အရေးပေါ်အခြေအနေနဲ့ကြုံတွေ့ပါက သံရုံးအနေနဲ့ အကူအညီပေးဖို့ အကန့်အသတ်ရှိတယ်လို့လည်း ဆိုပါတယ်။
သံရုံးဟာ သေချာတဲ့ခြိမ်းခြောက်မှုတွေ၊ မကြာသေးခင်က ပေါက်ကွဲမှုတွေနဲ့ ရန်ကုန်က တိုက်ခိုက်မှုတွေ၊ ဒီဖြစ်ရပ်တွေကို စစ်တပ်ရဲ့ တုံ့ပြန်မှုတွေကို မသိရဘဲ ဒါတွေဟာ အမေရိကန်နိုင်ငံသား တွေအတွက် ပြင်းထန်တဲ့ခြိမ်းခြောက်မှုဖြစ်ပြီး အကြိမ်အရေအတွက်နဲ့ ပြင်းထန်မှုလည်း တိုးပွား လာနိုင်တယ်လို့ ဆိုပါတယ်။
လမ်းပိတ်ဆို့မှုတွေနဲ့ စစ်တပ်စစ်ဆင်ရေးတွေဟာ ရန်ကုန်နဲ့ နိုင်ငံတစ်ဝန်း ပိုမိုကျယ်ပြန့်လာနိုင်ပြီး အမေရိကန်နိုင်ငံသားတွေအနေနဲ့ လူအများအပြားစုဝေးခြင်းကို ရှောင်ကြဉ်ဖို့၊ အပြင်ထွက် သွားလာလှုပ်ရှားမှုကို ကန့်သတ်ဖို့ ရန်ကုန်မြို့ရှိ အမေရိကန်သံရုံးက အကြံပြုထားပါတယ်။
Public Service Announcement
အလားတူ ဗြိတိန်ကလည်း မြန်မာနိုင်ငံနဲ့ပတ်သက်လို့ သူ့နိုင်ငံသားတွေကို အကြံပြုချက်ထုတ် ပြန်ထားပြီး မဖြစ်မနေသွားလာခြင်းကလွဲလို့ မြန်မာနိုင်ငံကို လာရောက်ခြင်းမပြုကြဖို့ တိုက်တွန်းထားပါတယ်။
မြန်မာနိုင်ငံရဲ့ လုံခြုံရေးအခြေအနေဟာ ခန့်မှန်းလို့မရဘဲ ဆန္ဒပြမှုတွေ၊ အကြမ်းဖက်လုပ်ရပ် တွေနဲ့ ပေါက်ကွဲစေတဲ့ပစ္စည်းတွေ အသုံးပြုမှုအပါအဝင် ပိုမိုဆိုးရွားတဲ့လုံခြုံရေးအခြေအနေ ဆက်လက်ဖြစ်နိုင်တယ်လို့ ဗြိတိန်က ထုတ်ပြန်ပါတယ်။
