ဂန့်ဂေါနယ်ရှိ နှမ်းခါးရွာကို အကြမ်းဖက်စစ်ကောင်စီတပ်က ဒုတိယအကြိမ်မီးရှို့

မကွေးတိုင်း ဂန့်ဂေါမြို့နယ် နမ်းခါးရွာရှိ နေအိမ်များကို စစ်ကောင်စီတပ်များက ယနေ့ (စက်တင်ဘာ၁၃ ရက်)နံနက်ပိုင်းတွင် ဒုတိယအကြိမ် မီးရှို့ဖျက်ဆီးခဲ့သည်။

“စစ်ကောင်စီက မီးရှို့သွားလို့ ရပ်ရွာပြည်သူလူထုနဲ့ ရပ်ရွာလူငယ်အဖွဲ့မှ မီးငြိမ်းသက်နေခြင်းဖြစ်ပါတယ်”ဟု နှမ်းခါးလူငယ်အဖွဲ့မှ လူငယ်တစ်ဦးက ရွာမီးရှို့ခံရသည့် ဖြစ်စဉ်ကို ရုပ်သံရိုက်ကူးဖော်ပြရာတွင် ပြောကြားခဲ့သည်။

ယနေ့ စစ်ကောင်စီလက်ချက်ကြောင့် ရွာရှိ နေအိမ် ၁၄လုံးနှင့် ဆန်စက်တစ်လုံး၊ မီးလောင်ပျက်စီးခဲ့ရပြီး စစ်ဘေးရှောင်များ နေထိုင်ရာ တဲနှစ်လုံးကိုလည်း မီးရှို့သွားသည်ဟု နှမ်းခါးလူငယ်အဖွဲ့က ထုတ်ပြန်သည်။

စစ်ကောင်စီတပ်များသည် စက်တင်ဘာ ၁၀ရက်ကလည်း နှမ်းခါးရွာကို မီးရှို့ခဲ့ရာ နေအိမ် ၃၈ လုံး မီးလောင်ပျက်စီးခဲ့သည်။

Public Service Announcement

စစ်ကောင်စီတပ်သည် ဂန့်ဂေါမြို့နယ်အတွင်းရှိ ကျေးရွာများသို့ ဝင်ရောက်စီးနင်းပြီး အကြမ်းဖက်လုပ်ရပ်များ လုပ်ဆောင်ခဲ့ရာ သာလင်း၊ နှမ်းခါး၊ မြင်သား၊ ထယ်လှော် စသည့် ရွာများ၌ ပြည်သူပိုင်နေ အိမ်များကိုမီးရှို့ဖျက်ဆီးခဲ့သည်။ မြင်သားကျေးရွာတွင် စစ်ကောင်စီတပ်က တိုက်ခိုက်သတ်ဖြတ်ခဲ့၍ အရပ်သား ၁၇ဦး အသက်ဆုံးရှုံးခဲ့ရသည်။