ဘင်္ဂလားပင်လယ်အော်မှာ မုတ်သုံလေ အားကောင်းနေပြီး မနက်ဖြန်မနက်ထိခန့်မှန်းချက်အရတော့ ရခိုင်ပြည်နယ်မှာ ဒေသအလိုက်နဲ့ ဧရာဝတီတိုင်းမှာ နေရာကွက် မိုးကြီးနိုင်တယ်လို့ မိုးဇလက သတိပေးလိုက်ပါတယ်။
ပြီးခဲ့တဲ့ ၂၄ နာရီအတွင်းကလည်း ရခိုင်ပြည်နယ် ၊ ပဲခူးတိုင်း ၊ ဧရာဝတီတိုင်းတို့မှာ နေရာကွက်ပြီးမိုးကြီးခဲ့တယ်လို့သိရပါတယ်။
ဘင်္ဂလားပင်လယ်အော်မှာ ဖြစ်ပေါ်ခဲ့တဲ့ မုန်တိုင်းငယ်ဟာ အိန္ဒိယနိုင်ငံ ချန်ဘလီမြို့ တောင်ဘက်အနီးကနေ ဖြတ်ကျော်ဝင်သွားပြီး လာမယ့် ၂၄ နာရီအတွင်း ကုန်းတွင်းမုန်တိုင်းငယ်အဖြစ်ကိုအားလျော့သွားမယ်လို့ မိုးဇလက ဆိုထားပါတယ်။
ဒါပေမယ့် မြန်မာ့ပင်လယ်ပြင် ၊ မြစ်ဝကျွန်းပေါ် ၊ ရခိုင်ကမ်းရိုးတန်းနဲ့ ကမ်းလွန်ပင်လယ်ပြင်မှာ မိုးသက်လေပြင်းကျပြီး လှိုင်းကြီးမယ်လို့လည်းခန့်မှန်းထားတာတွေ့ရပါတယ်။
Public Service Announcement
