အာဏာသိမ်းစစ်ကောင်စီတပ်ဖွဲ့များမှ တပ်ချိန်းရာတွင် ၎င်းတို့ စစ်ကြောင်းလုံခြုံရေးအတွက် ကျေးရွာခေါင်း ဆောင်များကို ခေါ်ဆောင်သွားကာ လူသားဒိုင်းအဖြစ် ထပ်မံအသုံးပြုနေကြောင်း ကရင်အမျိုးသားအစည်း အရုံး(KNU) တပ်မဟာ(၁)နယ်မြေ သထုံခရိုင်က သတင်းထုတ်ပြန်သည်။
စက်တင်ဘာ ၁၄ရက်က အာဏာသိမ်းစစ်ကောင်စီ လက် အောက်ခံ နယ်ခြားစောင့်တပ်ဖွဲ့(BGF)-၁၀၁၃၊ တပ်ခွဲ(၂) ကြသောင်းဆိပ် စခန်းသို့ တပ်ချိန်းရန်နှင့်ရိက္ခာပို့ရန် မြစ်ကျိုးကျေးရွာတွင် ထော်လာဂျီငါးစီးနှင့် ကျေးရွာ ခေါင်းဆောင်ရပ်မိရပ်ဖ ခြောက်ဦးကို အဓ္ဓမခေါ်ဆောင်ကာ လူသားဒိုင်းအဖြစ် အသုံးပြုခဲ့သည်ဟုဆိုသည်။
ယာဉ်မောင်းများအပါအဝင် ခေါ်ဆောင်သွားသည့် ထော်လာဂျီ ခြောက်စီးတွင် ဆန်အိတ် ၁၆၆ အိတ်တင်သွား သော်လည်း ပိုက်ဆံမပေးကြောင်း၊ မြစ်ကျိုးရွာမှ ရပ်မိ၊ရပ်ဖခြောက်ဦးကိုလည်း ၎င်းတို့ စစ်ကြောင်း လုံခြုံရေးအတွက် ခေါ်သွားခြင်းဖြစ်ကြောင်း KNU ဘီးလင်းမြို့နယ် တာဝန်ရှိသူတစ်ဦး၏ ပြောကြားချက်ကို KNU သထုံခရိုင်က ထုတ်ပြန်သည်။
သြဂုတ် ၁၀ရက်နှင့် ၁၁ရက်ကလည်း စစ်ကောင်စီတပ်သည် ဘီးလင်းမြို့နယ်ရှိ ကျေးရွာအချို့မှ အမျိုး သမီးများကို စစ်ကြောင်းလုံခြုံရေးအတွက် ခေါ်ဆောင် အသုံးပြုခဲ့ဖူးကြောင်း တပ်မဟာ(၁) တာဝန်ရှိသူ တစ်ဦးက ပြောကြားထားသည်။
Public Service Announcement
