ချင်းပြည်နယ်မြို့တော် ဟားခါးမြို့တွင် ယနေ့ည (စက်တင်ဘာ ၁၈ ရက်ည) ၈ နာရီတွင် လက်နက်ကြီး လက်နက်ငယ်များဖြင့်ပစ်ခတ်မှုများဖြစ်ပွားနေပြီး ပြည်သူ ငါးဦးဒဏ်ရာရရှိထားကြောင်းဒေသခံများက ပြောသည်။
ပြည်နယ်အစိုးရအဖွဲ့ရုံးနားတွင် ပစ်ခတ်မှုဖြစ်နေပြီး လက်နက်ကြီးထိမှန်မူကြောင့် နေအိမ်တစ်လုံးမီးလောင်နေသည်။ နေအိမ်အတွင်းနေထိုင်သော ပြည်သူများမှာ ပစ်ခတ်မှုကြောင့်ငါးဦး ဒဏ်ရာရရှိကြောင်း ဒေသခံအချို့က ပြောသည်။
ချင်းပြည်နယ်၏ မြို့တော်တွင်ည ၈ နာရီဝန်းကျင်ကပေါက်ကွဲသံတစ်ခုကြားရပြီး ထိုနောက်ပစ်ခတ်မှုများဆက်တိုက်ဖြစ်ခဲ့ခြင်းဖြစ်သည်။ ပစ်ခတ်မှုများမှာ အာဏာသိမ်းစစ်ကောင်စီက လူနေအိမ်များကို တစ်ဘက်သတ်ပစ်ခတ်ခြင်းဟု ပြောကြားမှု အချို့ရှိသလို ၊အပြန်အလှန်ပစ်ခတ်မှု ဟုလည်း ပြောသူများရှိသည်။ သို့သော် လူနေအိမ်များရှိရာသို့ လက်နက်ကြီးများဖြင့်ပစ်ခတ်မှုမှာ စစ်ကောင်စီတပ်က ပစ်ခတ်ခြင်းဖြစ်ကြောင်းဒေသခံအချို့က ပြောသည်။
ပစ်ခတ်မှုများမှာ ည၁၀ နာရီဝန်းကျင်အထိ့ ဖြစ်ပွားခဲ့ကြောင်းဒေသခံများကပြောသည်။
ယနေ့ညနေတွင် ထန်တလန်မြို့တွင်လည်း အကြမ်းဖက် စစ်ကောင်စီတပ်က မြို့အတွင်းလကွနက်ကြီးဖြင့်ပစ်ခတ်၍ နေအိမ် ၁၅ လုံးကျော်ပျက်စီးပြီး သင်းအုပ်ဆရာတစ်ဦးသေနတ်မှန်၍ ကွယ်လွန်ခဲ့သည်။
Public Service Announcement
