ရိုဟင်ဂျာဒုက္ခသည်တွေအတွက် လူသားချင်းစာနာမှုအကူအညီ ဒေါ်လာသန်း၁၈၀ခန့် အမေရိကန်ပေးအပ်မယ်

ရခိုင်ပြည်နယ်၊ ရိုဟင်ဂျာဒုက္ခသည်အကျပ်အတည်းအပါအဝင် မြန်မာ၊ ဘင်္ဂလားဒေ့ရှ်နဲ့ ဒေသတွင်းက အခြားနေရာတွေကို အကျိုးသက်ရောက်စေမယ့် လူသားချင်းစာနာမှုအကူအညီ ဒေါ်လာသန်း ၁၈၀ နီးပါးကို ထပ် မံပေးအပ်သွားမယ်လို့ ကုလသမဂ္ဂဆိုင်ရာအမေရိကန်သံအမတ်ကြီး သောမက်စ်ဂရင်းဖီးလ်က ကြေညာခဲ့တာပါ။

အခုထပ်မံပေးအပ်တဲ့ရန်ပုံငွေနဲ့အတူ အမေရိကန်ရဲ့ လူသားချင်းစာနာမှုအကူအညီဟာ ၂၀၁၇ ဩဂုတ်ကစလို့ ရိုဟင်ဂျာဒုက္ခသည်အရေးအတွက် ဒေါ်လာ ၁.၅ ဘီလီယံရှိနေပြီဖြစ်ပြီး ၂၀၁၇ ဩဂုတ်မှာ ရိုဟင်ဂျာ ၇၄၀၀၀၀ ကျော်ဟာ မျိုးနွယ်စုရှင်းလင်းခံရခြင်းနဲ့ အခြားသောကြောက် မက်ဖွယ်ရက်စက်ကျူးလွန်မှုတွေကြောင့် ရခိုင်ပြည်နယ်ကနေ ဘေးကင်းလုံခြုံရာ ဘင်္ဂလားဒေ့ရှ် ကော့ဘဇားကို ထွက်ပြေးတိမ်းရှောင်ခဲ့ရတယ်လို့ အမေရိကန်နိုင်ငံခြားရေးဝန်ကြီးဌာနက ထုတ် ပြန်ပါတယ်။

အမေရိကန်ရဲ့ လူသားချင်းစာနာမှုအကူအညီတွေဟာ ပညာရေး၊ စားနပ်ရိက္ခာဖူလုံရေး၊ ကျန်းမာရေး၊ အာဟာရ၊ ကာကွယ်ရေး၊ လူနေတဲ၊ ဘေးအန္တရာယ်တုံ့ပြန်မှု၊ ရေ၊ မိလ္လာစနစ်၊ ပတ်ဝန်းကျင် သန့်ရှင်ရေးအပါအဝင် ဘက်ပေါင်းစုံနယ်ပယ်များစွာအတွက်ဖြန့်ဝေအထောက်အကူပြုသွား မယ်လို့ ဆိုပါတယ်။