အာဏာသိမ်းစစ်​ကောင်စီ​လေတပ်မှ ဗိုလ်မှူးတစ်ဦး​သေဆုံး

အာဏာသိမ်းစစ်​ကောင်စီတပ်၏ ​လေတပ်မှ အသက် (၃၈)နှစ်အရွယ်ဗိုလ်မှူးစိုးမိုးလှိုင် စက်တင်ဘာ ၂၃ ရက်တွင်​သေဆုံးသွား​ကြောင်း နိုင်ငံပိုင်သတင်းစာတွင် ၎င်း၏မိသားစုက နာ​ရေး​ကြော်ငြာထည့်သွင်းထားသည်။

အဆိုပါနာ​ရေး​ကြော်ငြာဖြတ်ပိုင်းသည် ယ​နေ့နံနက် ​ဖေ့စ်ဘွတ်ခ်လူမှုကူရက်သုံးစွဲသူများကြား စိတ်ဝင်စားမှုများ​နေကြသည်။ ယခုအခါ ချင်းပြည်နယ် ၊ကယားပြည်နယ်၊ကချင်ပြည်နယ်၊ကရင်ပြည်နယ်၊ရှမ်းပြည်နယ် ၊စစ်ကိုင်း တိုင်း စ​သော​ဒေသများတွင် အကြမ်းဖက်စစ်​ကောင်စီတပ်ကို တိုင်းရင်းသားလက်နက်ကိုင်အဖွဲ့များ၊​ဒေသခံပြည်သူ့ကာကွယ်​ရေးအဖွဲ့များက ခုခံတိုက်ခိုက်​သောတိုက်ပွဲများဖြစ်ပွား လျှက်ရှိသည်။

တိုက်ပွဲများမှာ ​မြေပြင်တိုက်ပွဲများသာဖြစ်၍ တပ်မ​တော်​လေတပ်မှ ဗိုလ်မှူးသေဆုံးခြင်းအ​ပေါ် ပြည်သူများက ပ​ဟေဋိ ဖြစ်လျှက်ရှိသည်။

​လေတပ်မှတပ်ဖွဲ့ဝင်များကိုပါ ကြည်းတပ်ပို့၍​ရှေ့တန်းလွှတ်​နေသဖြင့် တိုက်ပွဲတွင်​သေဆုံးခြင်းဖြစ်နိုင်​ကြောင်း ခန့်မှန်း​ပြောဆိုမှုများလည်းရှိသည်။

Public Service Announcement

အာဏာသိမ်းစစ်​ကောင်စီက အာဏာသိမ်းပြီး​နောက်ပိုင်းနိုင်ငံတစ်ဝန်းစစ်​ကောင်စီတပ်များကို တိုင်းရင်းသားလက်နက်ကိုင်များ၊ PDFများကပြန်လည် ခုခံတိုက်ခိုက်သဖြင့် စစ်​ကောင်စီတပ်သား​ထောင်ချီ​သေဆုံးပြီး၊ ပြည်သူ့နှင့်ပူး​ပေါင်းလာ​သောတပ်မ​တော်သား ၂၀၀၀ ​ကျော်ရှိ​နေပြီဖြစ်သည်။ ပြည်သူများကိုရန်သူကဲ့သို့ သတ်ဖြတ်၊ ဖမ်းဆီး နှိပ်စက်သဖြင့် နိုင်ငံတစ်ဝန်းရှိပြည်သူများက စစ်​ကောင်စီတပ်အ​ပေါ် အကြမ်းဖက်တပ်အဖြစ် အမြင်​ပြောင်းသွားပြီး​နောက် စစ်​ကောင်စီတပ်က စစ်သားသစ်စု​ဆောင်းရာတွင်လာ​ရောက်သူမရှိခြင်း ၊ဗိုလ်သင်တန်းများသို့ပင်​လျှောက်ထားသူ နည်းပါးလွန်းသဖြင့် ​လျှောက် လွှာတင်ရက်အကြိမ်ကြိမ် တိုး​ပြီး​ခေါ်ယူ​နေရခြင်း စစ်​ကောင်စီတပ်မှာ တပ်ဖွဲ့ဝင်အင်အားယုတ်​လျှော့မှုကိုအကြီးအကျယ်ရင်ဆိုင်​နေရ​ကြောင်းစစ်​ရေး​လေ့လာသူအချို့က​ ပြောသည်။

တိုင်းပြည်တာဝန်ထမ်း​ဆောင်ရင်းရုတ်တရက်ကွယ်လွန် သည်ဟု ​ကြော်ငြာတွင်​ရေးကြ​သော်လည်း ​ဖေ့စ်ဘွတ်ခ်တွင်ပြည်သူများက ​သေဆုံးသူသည် တိုင်းပြည်တာဝန်ထမ်း​ဆောင်ခြင်းမဟုတ်ဘဲ အာဏာသိမ်း​ခေါင်း​ဆောင်မင်း​အောင်လှိုင်နှင့်စစ်​ကောင်စီတာဝန်ထမ်း​ဆောင်ရင်း​သေဆုံးခြင်းသာဖြစ်​ကြောင်းမှတ်ချက်​ရေးသား​နေကြသည်။

“တိုင်းပြည်တာဝန်ထမ်းဆောင်ခြင်းမဟုတ်ပါ။အာဏာရူးလူတစ်စုကိုကာကွယ်ရင်းပါ”ဟု ​​ဖေ့စ်ဘွတ်ခ်သုံးစွဲသူတစ်ဦးက မှတ်ချက်​ရေးထားသည်။

“အဲဒီစကားကိုကန့်ကွက်ပါတယ်။ တိုင်းပြည်တာဝန်ထမ်းဆောင်ခြင်းမဟုတ်ပါမင်းအောင်လှိုင်တို့အုပ်စုအတွက် တာဝန်ထမ်းဆောင်ခြင်းပါ”ဟု ဦးဦးအမည်ဖြင့်​ဖေ့စ်ဘွတ်ခ်သုံးစွဲသူကလည်း​ ရေးသားထားသည်။