မြန်မာနိုင်ငံမှာ အကြမ်းဖက်မှုရပ်တန့်ရေး စစ်တပ်ကို ဖိအားပေးဖို့ အရေးပေါ်လိုအပ်နေကြောင်း အမေရိကန်နိုင်ငံခြားရေးဝန်ကြီး အန်တိုနီဘလင်ကန်က အာဆီယံနိုင်ငံခြားရေးဝန်ကြီးတွေကို တိုက်တွန်းလိုက်ပါတယ်။
အမေရိကန်နိုင်ငံခြားရေးဝန်ကြီးဘလင်ကန်ဟာ မနေ့က ကုလသမဂ္ဂအထွေထွေညီလာခံတက် ရောက်ဖို့ နယူးယောက်မြို့ကို ရောက်ရှိနေတဲ့ အာဆီယံနိုင်ငံအချို့က နိုင်ငံခြားရေးဝန်ကြီးတွေနဲ့ လူချင်းတွေ့ဆုံမှုနဲ့အတူ အွန်လိုင်းကနေ အမေရိကန်-အာဆီယံနိုင်ငံခြားရေးဝန်ကြီးအဆင့် ဆွေးနွေးပွဲကို တစ်ပြိုင်တည်းပြုလုပ်ခဲ့ပါတယ်။
အဲဒီဆွေးနွေးပွဲမှာ ဒေသတွင်းနဲ့ နိုင်ငံတကာစိန်ခေါ်မှုတွေကိုအလေးထားဆွေးနွေးခဲ့ကြပြီး COVID-19 ကပ်ဘေး၊ ရာသီဥတုအကျပ်အတည်း၊ မြန်မာနိုင်ငံမှာ အကြမ်းဖက်မှုအဆုံးသတ်ရေး စစ်တပ်ကို ဖိအားပေးဖို့အရေးပေါ်လိုအပ်နေမှုနဲ့ အာဆီယံရဲ့ဘုံဆုံးဖြတ်ချက် ၅ ရပ်ကို လိုက်နာ ရေး၊ လွတ်လပ်ပွင့်လင်းတဲ့အင်ဒို-ပစိဖိတ်ဒေသအားကောင်းခိုင်မာဖို့လိုအပ်မှုစတဲ့ အချက်တွေကို ဆွေး နွေးခဲ့ကြတယ်လို့ အမေရိကန်နိုင်ငံခြားရေးဝန်ကြီးဌာနက ထုတ်ပြန်ပါတယ်။
အမေရိကန်-အာဆီယံ နိုင်ငံခြားရေးဝန်ကြီးများအစည်း အဝေးကို အကြမ်းဖက်စစ်ကောင်စီရဲ့ နိုင်ငံခြားရေးဝန်ကြီး ၀ဏ္ဏမောင်လွင်တက်ရောက်တာကို တွေ့ရပါတယ်။
Public Service Announcement
ဒါပေမဲ့ အမေရိကန်ဟာ အကြမ်းဖက်စစ်ကောင်စီနဲ့သီး ခြားတွေ့ဆုံဆွေးနွေးမှု၊ အသိအမှတ်ပြု ထိတွေ့ဆက်ဆံမှု လုပ်ဆောင်ခြင်းမရှိပါဘူး။
အမေရိကန်ဟာ မြန်မာနိုင်ငံ ဒီမိုကရေစီလမ်းကြောင်းပေါ် ပြန်လည်ရောက်ရှိရေးအတွက် မယိမ်းမယိုင် ထောက်ခံအားပေးပြီး အမျိုးသားညီညွတ်ရေးအစိုးရအပါအဝင် အရပ်ဘက်အဖွဲ့အစည်းတွေ၊ တိုင်းရင်းသားအဖွဲ့နဲ့ ထိတွေ့ဆက်ဆံသွားမယ်လို့ ထုတ်ပြန်ကြေညာထားပါတယ်။
