မန္တလေး မဟာအောင်မြေမြို့နယ်အတွင်းက မန္တလေးတိုင်းဒေသကြီး ကုန်းလမ်းပို့ဆောင်ရေးညွှန်ကြားမှု ဦးစီးဌာနရုံး (ကညနရုံး)မှာ ဗုံးပေါက်ကွဲမှုဖြစ်ပွားခဲ့ပါတယ်။
ဒီကနေ့ မနက် ၉ နာရီလောက်က ကညနရုံးရဲ့အပြင်ဘက်ပိုင်းမှာ ပေါက်ကွဲမှုဖြစ်ပွားခဲ့ပြီး အနီးရှိပြည်သူအချို့ဒဏ်ရာရရှိခဲ့တယ်လို့ သိရပါတယ်။
“ဗုံးပေါက်တော့ အပြင်မှာတန်းစီနေတဲ့သူတွေထိသွားတယ်။ ဆိုးဆိုးဝါးဝါးကြီးတော့မဟုတ်ဘူး ။ ဗုံးအစမှန်တာ။နာရေးကားတွေနဲ့တော့သယ်သွားကြတယ်။ဒီရက်ပိုင်းက လိုင်စင်မဲ့တွေ လိုင်စင်လုပ်ပေးနေတာဆိုတော့ လူကတအားများနေတာ”ဟု ကညနရုံးအနီးမှာနေထိုင်သူတစ်ဦးကပြောပါတယ်။
ဗုံးပေါက်ကွဲမှုကြောင့် လူ ၅ဦးထက်မနည်းဒဏ်ရာရရှိတယ်လို့သိရပြီး ထိခိုက်ဒဏ်ရာရသူစာရင်းအတိအကျကိုတော့ အတည်ပြုနိုင်ခြင်းမရှိသေးပါဘူး။
Public Service Announcement
လက်ရှိမှာတော့ လိုင်စင်မဲ့ မော်တော်ဆိုင်တွေကို လိုင်စင်ပြုလုပ်ပေးချိန်ဖြစ်တဲ့အတွက် ကညနရုံးမှာ လူစည်ကားနေတာပဲဖြစ်ပါတယ်။
ပြီးခဲ့တဲ့ ဇူလိုင်လဆန်းပိုင်းတုန်းက မန္တလေးကညနရုံးမှာ ဗုံးပေါက်ကွဲမှုတွေဆက်တိုက်ဖြစ်ပေါ်ခဲ့ပြီးနောက် ကိုဗစ်ကြောင့်ဆိုကာ ယာယီပိတ်ခဲ့ပါသေးတယ်။
