'/%3E%3C/svg%3E){kind=small}
မန္တလေးတိုင်း ၊ မတ္တရာမြို့နယ် ၊ တောင်တံငါကျေးရွာ က လက်ဖက်ရည်ဆိုင်မှာ စစ်တပ်သတင်းပေး ဆိုသူအမျိုးသားတစ်ဦး သေနတ်နဲ့ပစ်သတ်ခံခဲ့ရတယ်လို့ဒေသခံတွေဆီကသိရပါတယ်။
ဒီကနေ့ မနက်၈နာရီခွဲလောက်က မန္တလေး #မိုးကုတ်ကားလမ်း ဘေး တောင်တံငါကျေးရွာရှိ ရွှေပါဝါလက်ဖက်ရည်ဆိုင်မှာ ဦးစံလှဆိုတဲ့ အမျိုးသားကို ဆိုင်ကယ်နဲ့လူ၂ဦးက လာရောက်ပစ်ခတ်ခဲ့တာဖြစ်တယ်လို့ ဒေသခံတစ်ဦးကပြောပါတယ်။
“သူက ကျေးရွာမှာ အုပ်ချုပ်ရေးပိုင်းတာဝန်ယူထားတဲ့သူတော့မဟုတ်ဘူး။ဒါပေမယ့် စစ်တပ်သတင်းပေး ဒလန်ပါ။သူ့ကြောင့်လည်း ရွာက တော်တော်လေးအမွှေခံရတယ်။”လို့ ကျေးရွာခံတစ်ဦးကပြောပါတယ်။
အဲဒီအမျိုးသားဟာ စစ်တပ်ကိုခေါ်ပြီး ရွာထဲကိုစစ်ဆေးတာတွေပြုလုပ်တာတွေရှိခဲ့တယ်လို့ဆိုပါတယ်။
Public Service Announcement
သေနတ်နဲ့ပစ်ခတ်ခံရပြီး သေဆုံးသွားတဲ့အတွက် လက်ရှိမှာတော့ စစ်ကောင်စီတပ်ဖွဲ့ဝင်တွေရောက်ရှိလာနေတယ်လို့သိရပါတယ်။
ပြီးခဲ့တဲ့လပိုင်းတုန်းက မတ္တရာမြို့အနီးရှိ ကျေးရွာတစ်ရွာမှာလည်း စစ်ကောင်စီသတင်းပေးဆိုပြီး အမည်ထွက်နေတဲ့ အမျိုးသမီးတစ်ဦးသေနတ်ပစ်ခတ်ခံရပြီးသေဆုံးခဲ့တာရှိပါတယ်။
