ကက(ဝယ်)ညွှန်မှူးရုံးဗုံးခွဲပြီး ပိုမိုပြင်းထန်​သောတိုက်ခိုက်မှု ပြုလုပ်မည်ဟု​​ နေပြည်​တော် PDF သတိပေး

နေပြည်တော် ပုဗ္ဗသီရိမြို့နယ်ရှိကာကွယ်ရေးဝန်ကြီးဌာန ညွှန်ကြားရေးမှူးရုံးပေါက်ကွဲမှုမှာ ကနဦးလှုပ်ရှားမှုမျှသာဖြစ်ပြီး ပိုမိုပြင်းထန်သည့်အရေးယူမှုများ ပြုလုပ်သွားမည်ဟု နေပြည်တော် PDF က သတိပေးလိုက်သည်။

အာဏာသိမ်းစစ်ကောင်စီ၏ အရေးပါသော နေရာတစ်ခုဖြစ်ပြီး နေပြည်တော်ရှိ ကကဝယ်ဟု လူသိများသော ကာကွယ်ရေးဝန်ကြီးဌာန ညွှန်ကြားရေးမှူးရုံးသည် ယမန်နေ့ညနေ ၅ နာရီဝန်းကျင်က ပေါက်ကွဲမှုဖြစ်ပွားခဲ့သည်။

စစ်ဘက်ဆိုင်ရာ ယာဥ်တစ်စီးနှင့် ရုံးအဆောက်အအုံ​​အစိတ်အပိုင်းတချို့ ပျက်စီးခဲ့သည်။ ရုံး ဆင်ဝင်အောက် ယာဘက်ခြမ်းရှိ အမြင့်နှစ်ပေခွဲခန့်၊ လုံးပတ်နှစ်ပေခွဲခန့်ရှိ အနီရောင်ပန်းအိုးအတွင်းမှ ပေါက်ကွဲမှု ဖြစ်ပွားခဲ့ခြင်းဖြစ်သည်ဟု စစ်ကောင်စီတပ်ဖွဲ့ဝင်များ၏ အစီရင်ခံစာတွင် ဖော်ပြထားသည်။

ထိုပေါက်ကွဲမှုဖြစ်စဥ်သည် ပြည်သူ့ကာကွယ်ရေးတပ်မ တော်(နေပြည်တော်)နှင့် အမည်မဖော်လိုသည့်တော်လှန်ရေးအင်အားစုတို့ ပူးပေါင်းဆောင်ရွက်သည်ဟု နေပြည်တော် PDFက အသိပေးသည်။

Public Service Announcement

ပြည်သူ့ဘက်မရပ်တည်ဘဲ စစ်ကောင်စီ၏ လက်ကိုင်တုပ်အဖြစ် ရပ်တည်နေသူများအတွက် ကနဦးလှုပ်ရှားမှုသာဖြစ်ပြီး ယခုထက်ပိုမိုပြင်းထန်သည့် အရေးယူမှုများ ဆက်လက် ပြုလုပ်သွားမည်ဟု ပြည်သူ့ကာကွယ်ရေးတပ်မတော်(နေပြည်တော်)က အသိပေးကြေညာခဲ့သည်။