မြန်မာ့စစ်အာဏာသိမ်းမှုအပေါ် အမေရိကန်ရဲ့တုံပြန်မှု နောက်ထပ်တစ်ဆင့်တိုးမြှင့်မယ့် မြန်မာနိုင်ငံဆိုင်ရာ ဥပဒေကြမ်းတစ်ရပ်ကို အောက်လွှတ်တော်မှာ နိုင်ငံခြားရေးရာကော်မတီက မနေ့က တင်သွင်းလိုက်ပါတယ်။
အာဏာသိမ်းမှုကို ရှုတ်ချပြီး အာဏာသိမ်းစစ်ခေါင်း ဆောင်တွေနဲ့ သူတို့ရဲ့ စီးပွားရေးတွေကို အရေးယူပိတ်ဆို့ရေး၊ ဒီမိုကရေစီအရေးလှုပ်ရှားသူတွေက ပိုမိုကူညီပံ့ပိုးရေး၊ အမျိုးသားညီညွတ်ရေးအစိုးရ (NUG)နဲ့ ဆက် လက်ထိတွေ့ညှိနှိုင်းရေး၊ ကုလသမဂ္ဂကဆုံးဖြတ်ထားတဲ့ မြန်မာစစ်တပ်ကို လက်နက်မရောင်းချရေးကို ပိုမိုဖိအားပေးရေး စတဲ့တိုက်တွန်းချက်တွေပါဝင်တဲ့ ဥပဒေကြမ်းတစ်ရပ်ကို အမေရိကန်အောက်လွှတ်တော်မှာ တင်သွင်း ခဲ့တာဖြစ်ပါတယ်။
အဲဒီဥပဒေကြမ်းဟာ တရားမဝင်စစ်အာဏာသိမ်းမှုကို ဆန့်ကျင်နေတဲ့ မြန်မာပြည်သူတွေရဲ့ ရုန်းကန်မှုမှာ အရေးပါတဲ့အထောက်အပံ့ဖြစ်စေမှာဖြစ်ပြီး အမေရိကန်အောက်လွှတ်တော်ရဲ့ ဥပဒေကြမ်းကို ကြိုဆိုတယ်လို့ Global Witness အဖွဲ့က ကြေညာပါတယ်။
ဒါ့အပြင် ဒဏ်ခတ်အရေးယူမှုတွေ တိုးချဲ့ရေး၊အကူ အညီပေးရေး၊ ရိုဟင်ဂျာလူမျိုးတုံးသတ်ဖြတ်မှုဆုံးဖြတ်ရေးစတဲ့အချက်တွေပါဝင်တဲ့ အောက်လွှတ်တော်ရဲ့ ဥပဒေကြမ်းကို ထောက်ခံကြိုဆိုကြောင်း Refugees Internationalက ထုတ်ပြန်ပါတယ်။
Public Service Announcement
(ရန်ကုန်မြို့ရှိ အမေရိကန်သံရုံးရှေ့၌ ဖေဖော်ဝါရီလက ဆန္ဒပြတောင်းဆိုနေစဥ်)
