အမျိုးသားညီညွတ်ရေးအစိုးရ(NUG) နဲ့ တွေ့ဆုံဆွေးနွေးဖို့ ပြင်ဆင်ထားတယ်လို့ မလေးရှားနိုင်ငံခြားရေးဝန်ကြီး Saifuddin Abdullahက ဒီကနေ့ ပြောကြားလိုက်ပါတယ်။
မြန်မာ့အရေးဖြေရှင်းနိုင်ဖို့ အာဆီယံခေါင်းဆောင်တွေချမှတ်ထားတဲ့ ဘုံဆုံဖြတ်ချက် ၅ ရပ်ကို စစ်ကောင်စီက ပူး ပေါင်းဆောင်ရွက်ခြင်းမရှိဘူးဆိုရင် မလေးရှားအနေနဲ့ အမျိုးသားညီညွတ်ရေးအစိုးရနဲ့ ဆွေးနွေးရေး စဉ်းစားဖို့ အသင့်ရှိတယ်လို့ နိုင်ငံခြားရေးဝန်ကြီး Saifuddin Abdullah ကပြော ဆိုလိုက်တာပါ။
ပြီးခဲ့တဲ့ တနင်္လာနေ့က အာဆီယံနိုင်ငံခြားရေးဝန်ကြီးများအစည်းအဝေးမှာ ဘုံဆုံးဖြတ်ချက် ၅ ရပ်ကို နေပြည် တော်က ပူးပေါင်းဆောင်ရွက်ခြင်းမရှိသေးဘူးဆိုတာ အသိပေးပြောကြားခဲ့တယ်လို့ မလေးရှားနိုင်ငံခြားရေးဝန်ကြီးက ပြောပါတယ်။
အမျိုးသားညီညွတ်ရေးအစိုးရ (NUG) ဟာ အာဆီယံရဲ့ အထူးကိုယ်စားလှယ်ခန့်အပ်တာကို ကြိုဆိုထားပြီး မြန်မာနိုင်ငံမှာ လက်ရှိကြုံတွေ့နေရတဲ့ နိုင်ငံရေးအကြပ်အတည်းကို အားလုံးပါဝင်နိုင်မယ့် အသွင်သဏ္ဍန်နဲ့ ဖြေရှင်းဖို့ အသင့်ရှိတယ်လို့ ပြောကြားထားပါတယ်။
Public Service Announcement
