အမေရိကန်လွှတ်တော်က မြန်မာနိုင်ငံဆိုင်ရာဥပဒေ ကြမ်း Burma Actကို အတည်ပြုနိုင်ရေး Grassroots movement for Burma ကမ်ပိန်းမှာ နိုင်ငံတကာရောက်မြန်မာတွေ ပါဝင်ထောက်ခံကြဖို့ အမျိုးသားညီညွတ်ရေးအစိုးရ NUGရဲ့ အပြည် ပြည်ဆိုင်ရာပူးပေါင်းဆောင်ရွက်ရေးဝန်ကြီး ဒေါက်တာဆာဆာက တောင်းဆိုထားပါတယ်။
အဲဒီ Grassroots movement for Burma ဆိုတဲ့ ကမ်ပိန်းမှာ ကိုယ်ရေးအချက်အလက်တွေ ဖြည့်သွင်းပြီး မြန်မာနိုင်ငံအခြေအနေကို အမေရိကန်လွှတ်တော်အမတ်တွေနဲ့ ကိုယ်စားလှယ်တွေ ပိုမိုအာရုံစိုက်လာစေဖို့ လုပ် ဆောင်နိုင်မှာဖြစ်တယ်လို့ ဆိုပါတယ်။
စစ်အာဏာရှင်စနစ်နဲ့ အာဏာရှင်စနစ်မှန်သမျှ အဆုံး သတ်ရေး၊ ဖက်ဒရယ်ဒီမိုကရေစီပြည် ထောင်စုတည် ဆောက်ရေးစတဲ့ ရည်မှန်းချက်ပန်းတိုင် ပြည့်စုံဖို့ အမေရိကန်ရဲ့ ဩဇာလွှမ်းမိုးမှု လိုအပ်တယ်လို့ ဒေါက်တာဆာဆာက ဆိုပါတယ်။
မြန်မာပြည်သူတွေအပေါ် အကြောက်တရားနဲ့ အုပ်ချုပ်နေတဲ့ ရက်စက်သော စစ်အာဏာရှင်စနစ်ကိုအဆုံးသတ်ဖို့၊ မြန်မာပြည်သူများအမြန်ဆုံးလွတ်မြောက်နိုင်ဖို့နဲ့ ဖက်ဒရယ်ဒီမိုကရက်တစ် ပြည်ထောင်စုမြန်မာနိုင်ငံတော် အသစ်ကိုတည်ဆောက်ရေးတို့ကို ရရှိနိုင်ဖို့ ပြည်သူအားလုံး တတ်စွမ်းသမျှ အတူတကွလုပ်ဆောင်ကြရမယ်လို့လည်းသူက တိုက်တွန်းပါတယ်။
Public Service Announcement
