ရန်ကုန်မြို့ရှိ ဗဟန်း၊ကမာရွတ်၊လှိုင် နှင့် မြောက်ဒဂုံမြို့နယ်တို့၌ ယနေ့ညဦးပိုင်းတွင် ဗုံးပေါက်ကွဲမှုများဆက်တိုက်ဖြစ်ပွားခဲ့ကြောင်း ဒေသခံများက ပြောသည်။
ဗဟန်းမြို့နယ်၌ ယနေ့ည ၇ နာရီ ၃၀ နှင့် ၇ နာရီ ၄၅ မိနစ် အကြား ပေါက်ကွဲမှု နှစ်ကြိမ်မှာ ဦးထောင်ဘို အဝိုင်းနားမှဖြစ်ကြောင်း ဗဟန်းမြို့နေသူတစ်ဦးက ဆိုသည်။
“ဗုံးပေါက်သံ နှစ်ခုထွက်ပြီး သိပ်မကြာခင်မှာ သေနတ်သံ သုံးလေးချက် ဆက်ကြားရတယ်”ဟု ၎င်းက ပြောသည်။
ကမာရွတ်မြို့နယ်၌ ပေါက်ကွဲမှုမှာ ပြည်လမ်းနှင့် တက္က သိုလ်ရိပ်သာ လမ်းဆုံမီးပွိုင့်အနီးဖြစ်ပွားခဲ့ကြောင်း မျက်မြင်တွေ့ရှိခဲ့သူတစ်ဦးက ပြောသည်။
Public Service Announcement
အလားတူ လှိုင်မြို့နယ် ယနေ့ည၇နာရီခွဲခန့်ပေါက်ကွဲသံနှစ်ချက် ထွက်ပေါ်ခဲ့ပြီး ည ၈နာရီတွင်လည်း နောက်တစ်ကြိမ် ဗုံးပေါက်ကွဲသံထွက်ပေါ်ခဲ့သည်ဟု သိရသည်။
ပေါက်ကွဲမှုဖြစ်ပွားပြီးနောက် ရွာမကွေ့မှအင်းစိန်လမ်းမဘက်အသွားက်ိုပိတ်ကာ စစ်ကောင်စီတပ်သားအများအ ပြားရှိနေသည်ဟု လှိုင်မြို့နယ်နေသူများက ပြောသည်။
မြောက်ဒဂုံမြို့နယ်တွင်မှု ည ၈ခန့်က ပေါက်ကွဲသံအချို့ထွက်ပေါ်ခဲ့သော်လည်း မည်သည့်နေရာတွင် ဖြစ်ပွားခဲ့ကြောင်းကိုမူ People’s Springက အတည်ပြုနိုင်ခြင်းမရှိသေးပေ။
မြို့ပြပြောက်ကျား တိုက်ပွဲများစတင်နေပြီဖြစ်သောကြောင့် မိဘပြည်သူများအနေဖြင့် မလိုအပ်ဘဲ လုံးဝ(လုံးဝ) အပြင်မထွက်ကြရန် ပြည်သူ့ကာကွယ်ရေးတပ်ဖွဲ့များက မေတ္တာရပ်ခံထားသည်။
ထို့အပြင် လမ်းဘက်တွင်တည်ရှိနေသော CCTV များကိုလည်း ဖြုတ်ပေးထားကြရန် နှင့် မြို့ပြများ တိုက်ခိုက်နေချိန်လုံးဝ (လုံးဝ)သတင်းမဖြန့်ကြရန်လည်း တောင်းဆိုထားသည်။
