မြင်းမူပြည်သူ့ဆေးရုံကြီးအနီး ယနေ့ညနေပိုင်းကဖြစ်ပွားခဲ့သော ဖောက်ခွဲမှုသည် မိမိတို့ပြုလုပ်ခဲ့ခြင်းမဟုတ်ကြောင်းနှင့် ထိုလုပ်ရပ်အား မိမိတို့ ညီနောင်မဟာမိတ် အဖွဲ့နှစ်ဖွဲ့က အပြင်းအထန် ရှုံချကြောင်း ဒေသခံ ပြည်သူ့ကာကွယ်ရေးအဖွဲ့နှစ်ဖွဲ့က အသိပေးကြေညာသည်။
ယနေ့ (အောက်တိုဘာလ ၂၂ရက်)ညနေ ၃နာရီခွဲခန့်တွင် မြင်းမူမြို့နယ် မြင်းမူပြည်သူ့ဆေးရုံကြီး အနီး၌ဖြစ်ပွားခဲ့သော ဖောက်ခွဲမှုသည် မိမိတို့ Black Eagle Defence Force -MMU နှင့် ညီနောင်မဟာမိတ်ဖြစ်သော Black Hawk Force Myinmu(BHFM) တို့မှ ပြုလုပ်ခဲ့ခြင်း(လုံးဝ)မဟုတ်ပါကြောင်းနှင့် ထိုလုပ်ရပ်အား မိမိတို့ ညီနောင်မဟာမိတ် အဖွဲ့နှစ်ဖွဲ့ အနေဖြင့် အပြင်းအထန် ရှုံချပါကြောင်း အဆိုပါအဖွဲ့နှစ်ဖွဲ့က အသိပေးကြေညာခဲ့သည်။
မိမိတို့ ပြည်သူ့ကာကွယ်ရေးတပ်များသည် ဘာသာရေးအဆောက်အဦးများ၊ ဆေးရုံ ဆေးခန်းများ စာသင်ကျောင်းများကို မည်သည့်အခါမှ ပစ်မှတ်ထား တိုက်ခိုက်မည်မဟုတ်ပါကြောင်းထုတ်ပြန်ကြေညာလိုက်သည်ဟု အသိပေးသည်။
ထိုသို့ပြုလုပ်ခဲ့သော အဖွဲ့အား မိမိတို့အနေဖြင့် ရှာဖွေဖော်ထုတ်၍ အပြင်းအထန်အရေးယူသွားမည်ဖြစ် ကြောင်း Black Eagle Defence Force -MMUက အသိပေးထားသည်။
Public Service Announcement
ယနေ့နံနက်ပိုင်းက အရာတော်မြို့နယ်မှပြန်လာသော အကြမ်းဖက်စစ်ကောင်စီ၏ တပ်ကား ၂စီးသည် မြင်းမူမြို့နယ် ထီးဆောင်းရွာနှင့် နဘဲရွာကြားတွင် မိုင်းဆွဲတိုက်ခိုက်ခံခဲ့ရကြောင်း ဒေသခံများက ပြောသည်။
(မြင်းမူမြို့တွင် အကြမ်းဖက်စစ်ကောင်စီတပ်များက အကြမ်းဖက် ပစ်ခတ်နေသည်ကို မေလ၉ရက်က တွေရစဥ်၊ ဓာတ်ပုံ – CJ)
