ရန်ကုန်တိုင်း ကြည့်မြင်တိုင်မြို့နယ် ဗားကရာချောက်အနီးရှိ ယာဉ်ထိန်းရဲရုံးကို အမည်မသိ လူနှစ်ဦးက ယနေ့(အောက်တိုဘာ၂၃)မွန်းလွဲပိုင်းတွင် လာရောက်ပစ်ခတ်ခဲ့ပြီး အစောင့်စစ်သားတစ်ဦး သေဆုံးခဲ့ကြောင်း ကြည့်မြင်တိုင်မြို့နယ်နေ ပြည်သူတစ်ဦးက ပြောသည်။
” နေ့လည် ၂ နာရီခွဲကျော်လောက်က ဗားကရာချောက်က မော်တော်ပီကယ်ရုံးကို လူနှစ်ဦး လာပစ်သွားတယ်လို့ သိရပါတယ်။ အစောင့်စစ်သားတစ်ယောက်တော့ သေ သွားတယ်။ ရုံထဲမှာ ရှိနေတဲ့ မော်တော်ပီကယ် တစ်ယောက်တော့ လွတ်သွားတယ်လို့ သိရပါတယ် “ဟု ဒေသခံတစ်ဦးက ပြောသည်။
လက်ရှိတွင် အကြမ်းဖက်စစ်ကောင်စီ တပ်ဖွဲ့ဝင်များ က ဗားကရာချောက်လမ်းဆုံကို ပိတ်ဆို့၍ ဖြတ်သန်းသွား လာသည့် ကားများကို စစ်ဆေးမှုများ ပြုလုပ်နေကြောင်း ဒေသခံများက ပြောသည်။
